ازيكم يافتوكات عاملين اية يارب تكونوا بخير
انا طبعا يادوب عروسة جديدة لية 5 شهور وكنت كتبت قبل كده موضوع وقولت ادعولى ابقى حامل وفعلا الحمد لله ربنا استجاب منك في نفس الشهر اللى طلبت منكم تدعولى
انا جيت النهاردة علشان اقولكم الاعراض اللى حسيت بيها وهية طبعا بتختلف من واحده للتانية
انا كنت طول القوقت بحس بمغص قبل موغد الدورة بتقريبا 11 يوم ومكانه بالتحديد تحت السرة ومرات احس بنغزة خفيفه فى صدرى وكنت بقول تهيات مستحيل اكون حامل وقبل ميعاد الدورة ب 4 ايام جانى مغصها الجامد وقولت بس اهى جات حضرت نفسيى انها حتنزل وخاصة بعد مانزلت علية الافرازات الصفرا وانا اول ما شوفتها قولت كدا والله يا بنات اللهم اجرنى فى مصيبتى واخلفنى خيرا منها اصلي كان نفسي احمل قوووووووى وكنت خايفة لان غالبية اللى اتجوزوا معاية حملوا وبعد كده لقيت نقطه دم نزلت قولت خلاص وجه موعد صلاة الظهر وما صلتش والعصر ومالقتش غير النقطه والافرازات الصفرا مستمرة قولت اكيد حتنزل وقبل ميعادها بيوم نزلت هاتكك ياتنظيف فى الشقه وشلت الجردل مليان مية ومانزلت انا عملت كداوقولت اية الحكاية وتانى يوم ماجتش جريت على الصيدلية ومن توترى استخدمت اختبار الحمل بالمشقلب لانى اصلا ماقرتش اى تعليمات علية ولما ملقتش اى علامه رميته فى الزباله وخبيت الورقة من جوزى وتانى يوم الصبح وانا رايحه الشغل رحت عملت تحليل دم وعرفت انى حامل وعقبال مايرزق كل مشتاقة يااااااااااااااارب ولا يحرمها من الفرحه دى
حبيت اخليكم تشاركوا معاية يا بنات
ننوشة الفتوكة ننوشة الفتوكة فتكات نشيطة Fatakat 569139 الاسكندرية – مصر
سبحان الله و بحمده