الارز بالخلطه بتا العزومات و العقائقو السبوع لولادنا الحلوين

سلامو عليكم اخواتى فتوكاتى
انا اول مره اشترك فى مدونة الطبخ
النهارده هكتب لكم الارز بالخلطه و المكسرات .اول مره اعمله على وصفه ست الكل امى حبيبتى بالتليفون
بصو يا ستات يا شطرين
الاول نغسل حوالى 2 كوب ارز وننقعهم 1/2 ساعه و بعدين اغسليه و صفيه.
فى الحله الى هنسوى فيها الارز.نحط 2 ملعقه سمن ونرفع الحله على النار ونضيف الرز بعد ما نصفييه كويس من ميته على السمنه ونبتدى نقلبه لحد ما يتحمر"هى ديه اهم مرحله لازم نصبر و نقلب كتير يمكن لمده 1 ساعه لحد ما الارز يتحمر,متستغربوش بس اصبروا و قلبوا"
كفايه تقليب دلوقتى نحط الملح و البهارات شويه قرفه صغيرين بس لا تكترى.خلى بالك كتر القرفه يمرر الاكل. وقلبى الارزشويه فى الاضافات ديه .
بس و بعدين حطى الميه عادى بنفس المقدار اللى بتسوى فيه الارز
واما الرز يشرب ميته حوطيله الشياطه علشان ميتحرقش ووطى النار عليه لحد ميستوى
فى اثناء ذلك حمصى شويه مكسرات بندق و جوز فى طاسه تيفال ولما يستوى الرز حطيهم فوقه و قلبيه تقليبه واحده واطفى النار
بس كده يغرف و يقدم بالهنا
ممكن تقدموه مع كشك و فراخ والطعم روووعه
المره الجايه هقولكو على الكشك بس و النبى شجعونى بكلمتيين حلويين
وكل سنه و انتو طيبيين مواضيع هذا القسم برعاية

coffee coffee فتكات رائعة Fatakat 136791 مدينتي – مملكتي

سبحان الله و بحمده