كيفكم غالياتى … ان شاء الله بصحه وسعاده يارب
طبعا كلنا بنحب اكل المطاعم وبنحاول نوصل لاقرب طعم فى تجاربنا المنزليه وانا عن نفسي باحب ابحث عن الحاجه اللى اكلتها لغاية ما اوصل لاقرب طعم وشكل ومضمون
اكلت عند قـــــدورة
ارز بنى وابيض (نص الطبق بنى والاعلى ابيض)وعجبنى جداااااا ولاحظت انه مش فيه بصل خالص زى ما بنعمله رغم لونه البنى الغامق
وبحثت وبحثت لغاية ما توصلت للطريقه والحمد لله نالت اعجاب الجميع
قــــــدورة للى مش عارفاه
دة مطعم اسماك شهير باسكندريه وله فرع فى جده رووووووعه
نشوف الطبق النهائى ونرجع نبدأ بالمكونات والطريقه خطوة خطوة
المكونـــــات :
بصلة كبيره مفرومة
1/2 م ص من :كركم – كمون – فلفل اسمر -جنزبيل
1م قرفه ناعمة – ملح -بابريكا حلوة
ليمونه جافه – عود قرفه -2 ورق لورا -4 حبهان(هيل)
الرز اصلا بالارز البسمتى لكن ممكن بالارز المصرى وهيكون جميل ان شاء الله
الليمون الجاف وباقى المكونات لو مفيش خلاص استغنى عنهم
لكن القرفه البودره مهمه جداااااااااااااااااااااا فى ارز الصياديه عامة
يصفر البصل فى الزيت حتى يذبل على نار متوسطة
تضاف جميع التوابل الناعمة وتقلب من حين لاخر
حتى نصل الى اللون البنى بدون ان يحترق البصل
فى الخلاط نضع نصف كوب من الماء وعليه البصل بعد تصفيته قليلا من الزيت ويخلط حتى ينعم ويكون بوريه
يعاد البصل البوريه الى نفس الوعاء وتضاف الليمونه والقرفه والحبهان واللورا ويزود بالماء المغلى ويظبط الملح ثم نضع الارز البسمتى المنقوع مسبقا نص ساعه او ارز مصرى بدون نقعه
يترك ليغلى و يتشرب قليلا ثم يغطى بغطاء محكم ويترك على نار هادئه جدااا حتى تمام النضج
اما الارز الابيض
يغلى الماء ويضاف مكعب زبده او معلقه زيت وملح ولورا وحبهان و3 قرنفل
2 كوب من الارز البسمتى غسلته ونقعته نص ساعه وقسمت الكميه على الانائين
وهنا بعد النضج وواضح ان الوجه مغطى بصوص البصل ولازم تقلبيه بالشوكة بخفه قبل التقديم وتنزعى البهارات الحب
الارز الابيض
سلقته زى المكرونه فى ما وفير سلق90% مع التوابل وبعدين صفيته ورجعته للحله مع معلقه زبده تانى وغطيته وخليته على نار هاديه جدا ليتشرب باقى الماء فيه ويكون مفلفل وحباته متفرقه
وفى الاخر اضفت زعفران منقوع بماء ودى مجرد اضافه غير اساسيه وممكن تضيفى لون احمر او اصفر على جنب واحد من الارز او تخليه ابيض بدون لون
كده الحمد لله خلصنا الارز وهنشوف التقديم المشاركة القادمة
صلوا على الحبيب المصطفى
عليه افضل واذكى واطهر الصلاة والسلام
ان عجبكم موضوعى قيموه بقدر ما يستحق
لا تقـــــــــرأ وترحل .. اترك رد او نقد ..
تابعونى ..
مواضيع هذا القسم برعاية
كنزى همام كنزى همام images/avatars/peppers.jpg فتكات ست الكل Fatakat 538054 الطائف – لسعوديه