السلام عليكم ورحمة الله وبركاته
ازيكم يااحلى عروسات وبنوتات وفتوكات
انا عارفة ان موضوع الاجهزة عامل قلق لكل البنات اللى بتجهز
وانا كنت واحدة من البنات دول
وقبل مااشترى الاجهزة يحثت كتييييييييييييييييييييير ع النت وغيره
وسالت واستفسرت وجمعت الاراء
لحد مانويت اشترى وتوكلت على الله
انا الحمد لله بقالى سنة متجوزة
فقلت اكتب الموضوع ده اعرفكم ع الاجهزة بتاعتى
يمكن تفيدكم وانتوا بتدوروا
وطلباتى بسييييييييييييييطة جدا
اولا
الدعاء ليا ولزوجى ولبنتى ان ربنا يحفظنا من اى سوء
ثانيا
التقييم عشان اكبر عدد من البنوتات يشوفوا الموضوع وان شاء الله يستفيدوا منه
يللا نبدا سوا
اولا اللى محيرة اجميع معاها ههههههههههههههه التلاجة
بصوا باة انا كنت حابة اوى اجيب توشيبا لانى بحب ماركة توشيبا جدااااااااااا
خصوصا انها فى التلاجات حلوة بشهادة الجميع
بس كنت محتارة اجيبها كام قدم انا مش عاوزاها كبيرة اوى ولا صغيرة اوى
وكمان تكون بابين
شفت ال14 كانت بابين بس صغيرة وال18 بابين بس كبيرة
ال16 عجبتنى بس المشكله انها 3 باب
فقلت مش مشكلة وجبتها
والله بسم الله ماشاء الله جميلة جدا ومريحانى خالص
والمفاجاة انهم طلعوا دلوقتى ال16 قدم بس بابين هههههههههه
دى صورة تلاجتى بس بتاعتى لونها سيلفر وبصراحة اروووووووووووع من البيضا
ثانيا البوتاجاز
اللى محير معاه كل النااااااااااااااس
ههههههههه القافية حلوة تنفع مطلع اغنية
بعد بحث طويييييييييييييل اشتريت كريازى القديم استانلس 5 عيون
والحمد لله كلمة روعة قليلة عليه
حتى قرايب جوزى كلهم جايبين يونيفرسال وبيشتكوا منه خالص
وشكلهم كدة هيغيروا قريب وانا السببببببب
ههههههههه
دى صورة شيه بوتاجازى خالص
ماشاء الله ناره عاليه وفرنه جميل خالص ماشاء الله
اكملكم المشاركة الجاية ان شاء الله
حفصة444 حفصة444 110775_4.gif سوبر فتكات Fatakat 110775 جوة جوة جوة قلب زوجى ومتدفية – بيت صغنن فوق جزيرة لوحدنا انا وزوجى حبيبى