ازيكم يافتوكاتي وحشتوني عاملين ايه ندخل في الموضوع علطووووووووووووووووووووووو
النهارده جبت لكم طريقه عمل البوتاتو كيك بالتفصيل اللي نزلتها قبل كده في موضوع تعالو شوفو فطرت ايه النهارده مع زوزو وبالصور كمان 000000 فقلت لازم انزلها بالتفصيل لحبايب قلبي الفتوكات ودي الطريقه وبالصور
تجيبي 2بطاطس نيه ومتقشره وتبشريها بالمبشره وتحطي عليها ملح ورشه فلفل اسود وشويه جبنه موزاريلا وشيدر او واحده كفايه هو ده سر الطعم وطبعا تقلبيها كويس
تجيبي طاسه تيفال وسط وتحطي حته زبده صغيره ولما تسيح انزلي بالبطاطس وساويها واضغطي عليها كويس بالمعلقه او بايدك ووطي النار وسبيها براحتها بتاع خمس دقائق وده شكلها في الطاسه
تجيبي طبق وتحطي وشه علي الطاسه وتقلبي فيه الكيكه بالراحه علشان متتلسعيش بالشكل ده
وتدهني الطاسه تاني بحته زبده وترجعي الكيكه فيها الناحيه النايه وتسيبها كمان خمس دقايق وبس ياست الكل
اهم شئ النار تكون واطيه علشان تستوي ومتتحرقشي وده شكلها بعد ما رجعتها الطاسه تاني
وده شكلها النهائي
ودي صوره اقرب
بس يافتوكاتي سهله وطعمها حلو اوي بس علي فكره الجبنه هي اللي بتديها طعم وريحه جميله اوي
ياريت تجربوها
نيجي لكيكه الكوسه مغذيه وسهله وطعمها جميل جدا
ندخل علي المقادير :
3 كوسات مبشورين حجم وسط & 3 بيضه & 7 معالق دقيق &بصلايه صغيره مبشوره ومعاها فصين توم & ملح وفلفل
الطريقه :
هنحط المكونات كلها علي بعض ونقلب كويس هتكون عجينه مش سايله اوي ولا ماسكه اوي ونظبط الملح
نجيب طاسه تيفال نحط فيها شويه زيت صغيرين وقطعه زبده برده صغيره ونجيب معلقه وناخد من الخليط نحطه في الزيت ونوطي عليه بالشكل ده وانا استخدمت زيت زيتون وممكن تستغني عن الزبده وتعمليها بزيت بس كل واحد زي ما هو عايز
بعد كده لما نحس انها احمرت نقلبها علي الوش التاني وده شكلها بعد ما اتقلبت
نسيب الوش التاني لحد ما يتحمر ويستوي ونخرجها في طبق التقديم وانا رشيت عليها شويه بقدونس
ودي صوره اقرب
وبكده خلصت والحمد لله
وممكن تعملي جمبهم سلطه خضرا وتبقي عشوه تمام التمام ودعوه حلوه كده لزوزو لما ابو الولاد يتبسط ويقول لك تسلم ايدك يامراتي ياحبيبتي
والي اللقاء مع وصفه جديده مع زوزو
والسلام عليكم ورحمه الله وبركاته مواضيع هذا القسم برعاية
zozogad zozogad 83281_1.gif سوبر فتكات Fatakat 83281 نيويورك – امريكا