االسلام عليكم ورحمة الله وبركاته
ازيكو يا قطاقيط وحشتونى اوى انا انهاردة عملت الكوردن بلو بس ايه دايت وخفيف وصحى ومش معنى اننا عاملين رجيم يبقي بلاش ناكل اكلنا اللي بنحبه وبيحبنا انا طبعا عملت جنبه مكرونة وسلطة بنفسجيا وانا قلت الموضوع اللي فات علي طريقه المكرونة هاقول بس انهاردة علي الكوردن بلو والسلطة
نقول بسم الله
نبتدى بالمقادير
نص كيلو بانيه
بصله مبشورة
معلقة زيت زيتون
معلقتين زبادى
معلقة مستردة
توم عادى وبودر
فلفل اسود
بهارتك اللي بتحبيها
الحشو ودا بيرجعلك انتى
ممكن جبنة ولنشون وزيتون
ممكن بسطرمة وجنبه وزيتون
ممكن لحم مفروم معصج
اللي تحبيه
هنعمل الفراخ زى البانيه بالظبط هنحط كل المقادير ونسيبها ساعة في التلاجة
نيجى بقي للحشو هنقطع اللنشون والجبنة الرومى والشيدر
او نحضر اللي موجود
نجيب البانيه ونفردة ونبططه بايدنا ولازم مش يكون سميك يكون رفيع
ونحط الحشو ونلفه زى صوباع المحشي بالظبط ونقفله كويس بخله السنان الخشب
وبعدين نحطة في البيض والبقسماط ونرصه في الصنية بالشكل دا
https://files2.fatakat.com/2015/2/13615596618645.jpg
ونجيب بخاخة ميه ونرش ونولع الشوايه ونسيبه تحت الشوايه وكل شويه نفتح ونرش شويه ميه علشان مش يبنشف
ونقلبه لما يستوى ونرش برضو
نيجى بقي لسلطة البنفسجيات
المقادير
طماطم
خيار
كرفس
فلفل احمر
بنجر
كرنب بنفسجي
كرنب البيض
جزر اصفر
جزر بنفسجى
زيت زيتون
معلقة خل
زيتون اسود
ونقطع كلوا كلوا ونحط علي بعضة ونقلب
وبالهنا والشفا
https://files2.fatakat.com/2015/2/13615599559175.jpg
ودى لاول واحدة هترد وهتقيم
https://files2.fatakat.com/2015/2/13615601134411.jpg
https://files2.fatakat.com/2015/2/13615602349645.jpg
الحلوين اللي معانا في الجروب هتاخدى يا قمر في وجبه الهابي ميل
نص كوب مكرونة
ومن 2 ل3 قطع كوردن بلو
وكوب سلطة
مواضيع هذا القسم برعاية
mema mekawy mema mekawy 443207_13.gif فتكات رائعة Fatakat 443207 الدوحة – قلب جوزى
