السلام عليكم ورحمه الله وبركاته
ازيكم يا فتوكات
انا بجد حبيت اكتب الموضوع ده عشان كلنا نستفاد لانكم اخواتى فى الله ومليش غيركم
وكنتم بتقفوا جنبى لما بكون محتاجه مساعده او دعوه
الاختراع ده لكل واحده البريود بتجيلها مده طويله او بالم جامد فظيع زيى
انا كانت بتجيلى 8 او 9 ايام وبكوت بتالم فيها على الاقل 4 ايام و الم فظيع لدرجه كنت بصعب على بابا قبل متجوز و على جوزى بعد الجواز لانى كنت بعيط و بعض فى المخده و بتقطع من الالم
الحمد لله على كل شيىء
قالولى بعد الجواز كل حاجه بتتغير و الكلام ده
متغيرتش اوى يعنى ممكن مش كل الشهور بالم او مش كل الشهور طويله
المهم
انا كنت فى رضان فى بيت بابا بشرب عصاير خروب او كركديه لكن مبحبش الخشاف
و لما جه رمضان الى فات وكان اول رمضان فى بيتى بقى اكتشف ان زوجى و اهله بيشربوا حاجه غريبه
اختراع مزهل
المهم شربته معاهم و البريود جاتلى على 20 رمضان وكنت متضايقه جدا لان رمضان كدا بالنسبه لى خلص خلاص
بس فضلت اكل مع زوجى و اشربه ده لانى حبيته اوى و ساعات كنت بشرب كوبايته كمان هههههههههههههههههههههههههههههههههههههههههههههههههه هههههههههههههههههههههههههه
اللى لاحظته بقى ان البريود جتلى 5 ايام بالظبط من غير حتى الافرازات البنيه اللى بتبقى فى ارها لا خلصت مره واحده و كانت من غير الالم الى كنت متعوداه كانت يا بتقلصات بسيطه خالص يا مفيش خالص ودى حاجه مخدتش بالى منها غير لما خلصت لانى طول ماهى موجوده مش مركزه عشان شغلى
و اللى بسطنى كمان ان بينزل تجلطات دم كتيييييييييييييييييييييييييييييييييييير جدا بس كميه الدم الى هو دم كانت اقل من كل مره لانى فى الايام الطبيعيه كنت بغرررررررررررررررررررررررررررررررررررررررررررررررق
شوقتكوا صح
ههههههههههههههههههههههههههههههههههه
عارفين الاختراع الفظيع ايه؟؟؟؟؟؟؟؟؟؟؟؟؟؟؟؟؟؟؟؟؟؟؟؟
التمر باللبن
و بعد ما البريود مخلصت فضلت ادور و ادور و ادور
لغايه مفتكرت انى لما كنت عايشه فى السعوديه كانوا الحوامل قبل الولاده بيشربوا حاجه كدا تمر برضه بس مركز اووووووووووووووووووووووى بس معرفش بالميه ولا باللبن
عشان يساعدهم فى الطلق و الولاده و فعلا كانوا كلهم بيولدوا طبيعى و بتقوم زى الحصان بسم الله ماشاء الله
فاتاكد ان التمر هو السبب و ساعتها بس قولت لنفسى انى غبيه جداااااااااااااااااااااااااااااا
ازاى مفهمتش من حكايه مريم بنت عمران الموضوع ده
معقول ربنا قالهالها و احنا بنقراها على طول ومفهمهاش؟؟؟؟؟؟؟؟؟؟؟؟؟؟؟؟؟
فقلت مبدهاش بقى
اجرب الشهر الجاى
و فعلا انا دلوقتى فى اليوم التالت من البريود وكل يوم الصبح بشرب كوبايه تمر باللبن
بصراحه الحمد لله على النتايج
انا كنت فين و بقيت فين
عارفه انى صدعتكم بس متهيالى الموضوع يستاهل ومتنسوش التقييم يا حبايبى عشان كلنا نستفيد منه
يارب اكون جبتلكم حاجه مفيده
bosy slama bosy slama 404721_3.gif فتكات ست الكل Fatakat 404721 alexandria – egypt