السلام عليكم ورحمة الله وبركاتة ربي إني قد مسني الضر وأنت أرحم الراحمين
انا حكايتي صعبة أوي وخايفة ومحتارة ومش عارفة اعمل اية يارب محدش يشوف اللي انا شوفته ……….انا متجوزة من سنة وشهرين 13/10/2015 الأول قبل ما اتجوز بخمس سنين كنت تعبت أوي ورحت لدكتور امراض نسا اسمه ايمن عبد الحليم قالي ان عندي كيس علي الرحم وطلب اشاعة بالصبغة ولما عملتها قالي ان انا عندي كلية واحدة وفي كيس علي الرحم لازم نفتح ونشيلة وفعلاً فتحت بطني وانا في 2 جامعة وشيلت الكيس وبقيت كويسة الحمد لله مقاليش بقي اتابع او اخد علاج أو اي حاجة الحمد لله قبل ما اتجوز علي طول كنت بدخل الحمام كتير اوي كل شوية وبعد متجوزت بإسبوع تعبت أوي روحت لدكتور في اسكندرية اسمها نشوي قالتلي ان الغشاء لسة متشالش عشان انتي عندك كيس كبير علي المبيض اليمين 12 سم واقف ورا الغشاء لازم نفتح ونشيلة قلتلها ماشي قالتلي تاعلي بكرة في مستشفي عبد المنعم جابر في اسكندرية مع العلم ان انا من القاهره وكنت بقضي شهر العسل في إسكندرية المهم دخلتني غرفة العمليات من غير حتي متعملي تحليل او تعرف فصيلة دمي ايه وعملتهالي ببنج نصفي تعبت جداً ودخلت العناية المركزة واحتاجت نقل دم وبلازما وهما اصلاً ميعرفوش فصيلة دمي ايه المهم الحمد لله ربنا عداني منها علي خير وطلع كان كيس شوكالاته عملت العملية وروحت تالت يوم علي القاهره روحت لدكتور اسمه صلاح خاطر قالي انتي عندك بطانة رحم مهاجرة واداني علاج اسمه دانول فضلت ماشية علية شهرين وبعدين روحت لدكتور تاني اسمه مجد الدين مصيلحي فضل يديني منشطاط وطلعلي كيس تاني عالي المبيض اليمين المهم سيبتة وروحت لدكتور تاني اسمة اسامة القاضي اول مروحتلة وعرف حالتي طلب مني اشاعة بالصبغة علي الرحم والأنابيب المهم طلع عندي انبوبة واحدة ونص رحم اتاري بقي ان العملية الأولي الدكتور شالي نص الرحم عشان كان رحم زو قرنين والنص دا كان فيه ضمور المهم دكتور اسامه دا سافر وانا مستحملتش استناه لما يرجع روحت لدكتور تاني اسمة أحمد إبراهيم في شبرا الخيمة فضلت ماشية معاه 5 شهور وطول الفترة دي بيديني منشطاط ميريونال باخد في الشهر 12 حقنه وساعات 14 وساعات 16 المهم انا حاسة ان انا تعبانة بس مش عارفة في ايه مش فاهمه حاجة المهم جوزي قاله انا حاسس ان هي طلعلها كيس تاني انا بحس بيه قالو لالالا مفيش الكلام دا وجوزي صمم علي كلامة قالي طيب اعملي اشاعة رباعية الأبعاد عملتها وطلع فعلا في كيس شوكالاتة ماسك في الرحم والمسانة وممكن يكون ماسك في الأمعاء المهم انا رجعت تاني لدكتور أسامة القاضي وقالي ان انا عندي اكياس كتير وباينة في السونار مش محتاجة رباعية الأبعاد ولا حاجة وأن انا لازم اعمل عملية فتح بطن ومينفعش معايا منظار عشان أنا فاتحة بطني مرتين وقالي ان انا عندي نص رحم فبقولة دا يعني ممكن ميخلنيش احمل قالي لما افتح واشوف انا معرفش الرحم بقي حالته ايه انا املي في ربنا لن يخيب ابداً بس ممكن تدلوني اعمل ايه اللي يعرف حد مر باللي انا مريت بيه او يعرف دكتور كويس في الحاجات دي يقولي وربنا يرزوقني ويرزق كل مشتاقة زرية صالحة صحيحة معافاه عاجلة وليس آجلة اللهم أمين …….
meme nader meme nader 907097_2.gif فتكات حبوبة Fatakat 907097 6 Octoper – egypt
سبحان الله و بحمده