بالله عليكم اللي تعرف حاجه عن موضوع الارتشاح في الاذن الوسطى تقولي بيخف ولا لازم عملية انا هاقولكم على اللي حصل لابني
كان عنده دور برد والتهاب حلق وكنت باديله علاجه عادي في يوم صحي يصرخ من ودانه جرينا ع المستشفى الدكتورة قالت عنده التهاب جامد في الاذن الوسطى
وفي ميه وادينتي علاج الولد ارتاح عليه والالم بطل بس المشكله بعدها بيومين لاحظت انه مش بيسمع كويس لازم اكلمه بصوت عالي
وديته لاستشاري انف وأذن وحنجرة الدكتور صدمني قعد يقولي ولزوجي كلام غريب الاول قال ماتقلقوش بسيطه بعدين انتم مؤمنيين وعارفين ربنا
وقضاء الله تعالى مش هاينفع نعترض عليه انا طبعا اترعبت وزوجي قاله ايه اللي هايحصله قالنا انه عنده ارتشاح في الاذن الوسطى
ولازم يعمل عملية اللحمية واللوز وانابيب تهويه سالته عن علاج قال هانديله وكمان اسبوع يجي بس انا هاعملهاله لانه غالبا مش هايجيب نتيجه العلاج
وقعد يقولنا انتو ازاي سايبين الولد كده والعلاج بتاع الدكتورة اللي قبله من غير مايشوفه قالي قطرة ايه ودوا ايه العلاج ده يترمي في وش الدكتورة اللي كتبته ده لازم حقن
عشان محتاج مضاد حيوي قوي انا اختي دكتورة سالتها قالتلي اديله المضاد وشوفي النتيجه والموضوع ده مش بيتعالج في اسبوع ده ممكن ياخد علاج شهور عشان يخف
انا مش عارفه هي بتطمني بس والعلاج مش بيفيد ولا فعلا في حالات بينفع العلاج مع العلم انه اول مرة يشتكي من ودانه هو عمره اربع سنين
ربنا يبارك لكل اللي ترد عليا ويحمي كل غالي عليكم
konta monta konta monta 522786_2.gif فتكات غالية قوي Fatakat 522786 القاهرة – مصر
سبحان الله و بحمده