السلام عليكم ورحمة الله وبركاته
ازيكم يا فتوكاااااااات
متتخيلوش طفاسطي وديتني لفين؟
تخيلو انا كنت مطلعة علبه كفته مدورة وبسويها باني بحطها في صينيه وعالفرن وبس كده من غير زيت ولا حاجة
وهي في الفرن وانا علي فتكات لاقيت فتوكة عامله موضوع للمسقعة
فقمت قررت اعمل مسقعة بس بما اني كسلت اعمل عصاج فعملتها بالكفته دي
وكعادتي افتكست فيها
ها ايه رايكم؟
يارب تكون عجبتكم ان شاء الله
يالا نبدء سوا ونقول بسم الله
المكونات:
شرائح بازنجان طوليه وشرائح فلفل رومي محمرة علي نار هاديه ومتنشفة كويس جدا بعد التحمير من كل الزيت
كفته (جاهزة او تعمليها)بس في الفرن من غير زيت
صلصة
مكونات الصلصة:
بصلة متوسطة
2 بصل اخضر
نص فلفلة رومي
فص ثوم كبير
عصير 5 طماطم
1 م ك صلصة
طريقة الصلصة:
نحمر البصل والبصل الاخضر والثوم والفلفل الرومي في ملعقتين زيت
ثم نضيف عصير الطماطم والصلصة عليهم لحد ما يغلو ويتبخر كل الماء منها
_نجمع الاكله بقي:
نحضر البازنجان و شرائح الفلفل الرومي المقلي والمجفف جيدا من الزيت
نحضر الكفته المستويه في الفرن من غير قلي او زيت
والصلصة طبعا لسه عاملينها مع بعض
اولا نحضر البايركس ونحط فيها ملعقتين صلصة
ثانيا نفرد قطعة بازنجان ونحط عليها واحده كفته وشريحة فلفل
ونلفها ونرصها في البايركس
ونكمل باقي الكميه
ونرصهم في البايركس
ونصب علي وشها الصلصة
وندخلها الفرن
ونطلعها ونقطعها ونحطها في الطبق
وده شكلها من جوة
ها رايكم ايه؟
يارب تكون عجبتكم ان شاء الله وتجربوها
ومليوووووووووووووووون هنا وشفا
ولو عجبتكم ياريت تقيمو وتردو وتدعو ليا ولبنتي ولجوزي
مواضيع هذا القسم برعاية
remasnoha remasnoha 386039_6.gif فتكات رائعة Fatakat 386039 خميس مشيط – السعودية
سبحان الله و بحمده