هنقدّم لك وصفات خفيفة، ممكن تقدّميها كمقبلات قبل الطبق الرئيسي أو سلطات مع الأكل، جرّبيها وابعتي لنا رأيك فيها، وابعتي لنا لو عندك أي أطباق تانية عايزة تعرفي طريقتها..
بطاطس مهروسة مع الجبنة
المقادير:
كيلو بطاطس
كوب جبنة شيدر مبشورة
1/ 4 كوب لبن
1/ 4 كوب كريمة خفق (هتلاقيها في السوبر ماركت)
1/ 4 كوب زبدة
ملح وفلفل
الطريقة:
1- حطّي اللبن والزبدة والكريمة في حلة صغيرة على النار، وتبّليها بالملح والفلفل.
2- اسلقي البطاطس، وبعد ما تتسلق كويس اهرسيها مع الجبنة الشيدر، وقلّبيها كويس لحد ما الجبنة تسيح.
3- حطّي خليط اللبن والكريمة على البطاطس، وقلّبيها لحد ما يمتزجوا كويس، وزيّنيها بالبقدونس، وقدّميها.. بالهنا والشفا.
************************
ممكن تضيفي شرايح بصل على السلطة
سَلطة العدس
المقادير:
1/ 4 كيلو عدس أسود مسلوق
ملعقة صغيرة بهارات
فص ثوم مفروم
حزمة كزبرة مفرومة
عصير ليمونة
3 ملاعق كبيرة زيت زيتون
ملعقة كبيرة خل
ملح
الطريقة:
1- اخلطي كل المكونات مع بعض، وتبّليها بالملح وعصير الليمون والخل، وممكن تضيفي شرايح بصل على السلطة حسب ذوقك، وبعد كده قدّميها.. بالهنا والشفا.
المصدر : https://msriano.com/News/LdyBby.aspx?id=11519 مواضيع هذا القسم برعاية
نونا اندو نونا اندو فتكات جديدة Fatakat 591609 الاسكندرية – مصر