اعملى كل مشوياتك اللذيذة الى بتحبيها فى الطاسة التيفال تعالى هوريكى

ازيكوا يا فتوكات

وحشتونى اوى

مشويات مشويات

اشوى كل الى تحبيه بسهولة وفى اقل وقت

شيش طاووك… شيش كباب….فيليه مشوى لحم او فراخ….ريش مشوية

وكل الاصناف الجاية دى مشوية فى الطاسة هوريهالك واقولك ازاى لان فيه كتير سألونى
فى الموضوع ده

طريقة الشوى فى غاية السهولة
تتبلى اللحوم او الفراخ ع الاقل ساعتين
باى تتبيلة تفضليها

1-تحطى الطاسة على العين المتوسطة مش اعلى حاجة ولا اهدى حاجة

2-تسخنى الطاسة جدا وبعد كدة تضيفى زيت الزيتون وبعده اللحم او الفراخ مباشرة

3-ماتنسيش تنضفى اللحم من التتبيلة كويس

4-بعد الوش الاول ما ياخد لون اقلبى ع الوش التانى

5-لو شيش طاووك او فيليه فراخ او ريش بتلو صغيرة فى السن مش هتحتاجى توطى النار وهتاخد من 5 الى7 دقايق لكل وش وهتكون استوت

6-ولو ريش كبيرة فى السن أو شيش كباب
بعد ماكل وش ياخد لون هتوطى النار شوية بس مش ع الاخر وتقعدى تقلبى كل شوية لحد ماتحسى انها استوت

7-اوعى تفكرى تضيفى مية خالص
لكن ممكن ترشى من التتبيلةشوية صغيرين خالص ع الوش الى قدامك
عشان ماينشفش

8-وقدميها فورا بالف هنا

انا دايما بخليها لقبل معاد الغدا على طول
لأنها لازم تتاكل وهى لسة طالعة وسخنة

يا رب تستفيدوا من الموضوع
وماتنسونيش من دعائكم يا فتوكات

لو الموضوع يستاهل التقييم يا حلوين قيمونى
ولو مايستاهلش
.
.
.
.
.
.
قيموا برضه

سلام عليكم يا فتوكات

مواضيع هذا القسم برعاية

ام هاجر و عبد الرحمن ام هاجر و عبد الرحمن images/avatars/peppers.jpg سوبر فتكات Fatakat 423655 دمنهور – مصر

سبحان الله و بحمده