بسم الله الرحمن الرحيم
و الصلاة و السلام علي اشرف المرسلين
السلام عليكن و رحمة الله و بركاته
اليوم موعدنا مع احلي طبق رز ممكن تاكليه بجوار البحريات
و الله ممكن تاكليه حاف
بصراحة اكتر من رائع
انا اللي علمتهوني صديقة عزيزة عليا اللهم اجزها عني و عنكن الفردوس الاعلي
المهم ندخل في المكونات
المقادير
2 بصلة كبيرة مقطعة
3 جزرة كبيرة مبشورة
2 قرن فلفل اخضر مقطع و يا سلام لو فيه قرن حار
3 طماطم كبيرة مقطعة مكعبات
2 كوب رز بسمتي و ممكن مصري كلاهما عادي
2 :3 ملعقة كبيرة زيت
الطريقة
اولا هنغسل الرز و ننقعه انا استخدمت ابو كاس و نقعته تق ريبا ساعتين
ثم نحمر البصل الي ان تصل لهذة الدرجة
ثم ننزل بالجزر المبشور و الفلفل
انا الفلفل اللي كان عندي كان لونه برتقالي عشان كده مش ظاهر من لون الجزر
ثم نضع كمية مناسبة من الماء و ده طبعا متوقف علي نوع الرز
و مدة نقعه
نترك المية لتغلي و تصير حارة
ملحيه
وممكن تضعي اي نوع بهارات انتي حباها
و اجعلي النار علي الرز مرتفعة حتي يتشرب ماءه
الرز هنا شرب ميته
نهدي النار بقي يا طعمين
و نسيب الرز يكمل نضجه
و نتفضل مع احلي طبق رز
زووووووووووووووووم
ممكن تقدميه مع سمك مشوي
او مقلي
انتي و راحتك
او شوربة سي فود
و في الختام لا اسألكن غير الدعاء
ان يربي لي ربي اولادي
و يجعلهم حجة لي لا حجة علي يوم القيامة
و يجمعني مع زوجي بالفردوس الاعلي
و و السلام عليكن و رحمة الله و بركاته
مواضيع هذا القسم برعاية
مراميرو المصرية مراميرو المصرية 2370_11.gif فتكات ست الكل Fatakat 2370 قلب حبيبي و روحي – منصورية و افتخر