السلام عليكم يا فتوكاتى الحلوين
لانى بحب فتكات وبحب كل الفتوكات قلت مش هبخل عليكم بوصفاتى واطباقى اللى عملتها فى رمضان والكل شكر فيها الحمد لله
طبعا طبعاااااااااااا الوصفات اساسها من فتكات لكن انا بضيف عليها شويه حاجات تخلى الاكل احلى واطعم
من غير رغى كتييييييييييييير
هبدا اهمهم وهى :
الوصفه السحريه للوجبات الفتوكيه
والوصفه دى فعلا انا جربتها فى كل الحاجات اللى هقول عليها دى وطلعت ممتازه
المقادير :
معلقه كبيره بقدونس مفروم
بصله صغيره مقطعه شرايح
معلقتين كبار خل
رشه كمون – ملح – معلقتين فلفل اسود صغيرين – شطه لو حبيتى – بابريكا لو تعرفيها يعنى – نص معلقه صغيره كارى – نص معلقه كبيره كسبره ناشفه مطحونه ناعم
نص كوب دقيق كاساس
1 كوب ماء دافىء
بيضه او بيضتين حسب كميه الحاجه
الطريقه :
تخلطى كل الحاجات الناشفه سوا (ملح – فلفل – كمون- شطه – كسبره- بقدونس – بابريكا – كارى ) تخلطيها كويس
2- ضيفى الميا بالتدريج مع التقليب بس لغايه ماالخليط يندمج ويبقى قريب من عجينه الطعميه لو ساب منك قوى زودى معلقه دقيق او معلقتين بالتدريج مع التقليب
3- ضيفى الخل وقلبى
4- اضربى البيض فى طبق لوحده ومعاه شويه فلفل اسود وبعدين حطيه على الخليط
5- المفرووض كده خلاص الخلطه جاهزه لاى نوع من الانواع اللى هقولك عليها دلوقتى
ماتستغربيش
الخلطه دى يتعمل بيها :
بانيه فراخ: محتاج بس يتحط فيها مش اقل من ساعتين ومعاها عصره نص لمونه وتقليه فى الزيت
دبابيس فراخ – جناح فراخ : ممكن تكون نيه وتتحط فى الخلطه يوم او مش اقل من ساعتين لكن الافضل تسوى الفراخ نص سوا عشان مايبقاش فى دم فى العضم وبعدين تخليطهم بالخلطه وتقلى فى الزيت
قرنبيط : تسلقى القرنبيط كويس وبعدين تضربيه فى الخلاط مع الخلطه لغايه ما ينعم خالص او براحتك ويتقلى اقراص زى اقراص البيض ودى احسن طريقه للقرنبيط انا جربتها
عجه بيض : زودى الخلطه بدل بيضه يبقو 3 او 4 بيضات على حسب عدد اللى هياكل وزودى معاها طبعا كميه البهارات بس مش كتير وطبعا تتقلى بزيت او سمنه
بطاطس مقليه : وتكون الخلطه تقيله شويه عشان تمسك فى البطاطس وقطعى البطاطس صوابع او شرايح رفيعه وبعدين فى زيت حامى واقلى البطاطس ..بس دى تتاكل على طول عشان لما بتبرد مابتبقاش حلوه
================================================== ============================
هكمل ان شاء الله
بس معلش استنونى شويه وجايه تانى
================================================== == مواضيع هذا القسم برعاية
عابرة السبيل 2024 عابرة السبيل 2024 185009_22.gif فتكات غالية قوي Fatakat 185009 استراليا البلد – فى بلاد الغربة