السلام عليكم ورحمة الله وبركاتة
رمضان كريم يا فتوكات
كل سنة وانتم طيبين
النهاردة اول يوم رمضان عندنا عزومة فماما عملت ديك رومى طريقته مفيش اسهل منها وشكله خطير وان شاء الله يبقى طعمه حلو
*اسلقى الديك الرومى نص سلقه ب"ملح وفلفل+حبهان+ورق لوره+مستكة+زعتر"
*بعد متسلقيه..تبليه ب"مية بصل..بتبشرى البصل بشره صغيره عشان ينزل ميه كتير وتاخدي ميته+خل+ملح وفلفل+بهارات"
*بعد متبليه..بتدخليه التلاجة لمدة يوم كامل عشان يتبل كويس
*فى اليوم التانى..بتدخليه الفرن وبتصبى فى الصينيه كوبية ميه..وبيستوى فى ساعتين
*بعد اما يستوى..بتنقليه لطبق مفرود وترشى عليه بقدونس وكمان على الجوانب..وبعدين بتقطعيه وتقدميه بشكل ظريف..يعنى ممكن تزينيه بأعشاب تانية غير البقدونس بتتدى شكل جميل وفنفس الوقت نكهات متنوعة
وبالهنا والشفا
^
^
الصورة مفجأه يا فتاتيك هنزلها واعدل المشاركة بعد الفطار واستنونى..صوما مقبولا ان شاء الله
زى مقلتلكو يا قمرات احنا فطرنا الحمد لله والاكل عجب الضيوف اوى
قلولى رأيكم مواضيع هذا القسم برعاية
ندى المسلمة ندى المسلمة 184085_23.gif فتكات رائعة Fatakat 184085 الجيزة – مصر