ازيكم يا احلى فتوكات فى الدنيا 
انا اول مره اكتب فى القسم ده بصراحه
وقلت افيدكم بأكله حلوه عملتها النهارده سهله ومش حتكلفك كتير
اكيد اغلبكم عارف طريق الرز المعمر بس انا حكتبها للى مش عارفها
مقاديره : كبد واوانص والكميه حسب ما انتى عايزه
كوبايتين رز لو لفردين و 3 لو ل 4 افراد وتقدرى برضو تزودى براحتك
لبن ضعف عدد كوبيات الرز اللى حتعمليه يعنى لو مثلا حتعملى كوبايتين رز يبقى حتحطى 4 كوبايات لبن ولو 3 كوبايات رز يبقى 6 كوبيات لبن وهكذا
بصله كبيره للكبد والوانص وبصله تانيه للرز
الطريقه بقا :
حتعملى الكبد والاوانص عادى بانك تقطعيهم و تعملى البصله فى الكبه و تحطيه على النار واول ما يبتدى يصفر تحطى معلقتين ثوم صغيرين
وبعدين تحطى الكبد والاوانص وتحطى عليهم 2 مستكه و واحدة حبهان مفتوحه وواحدة جوزة الطيب وملح وفلفل وبهارات وبعدين تحطى عليهم كوباية مايه بس بشرط انها متغطيش الكبد والاوانص وبعدين تسيبيها لحد ما تستوى
نيجى بقا للرز : حتغسلى الرز فى المصفه وتقطعى البصله فى الكبه و تحطيه على الرز المغسول وتقلبيهم الاتنين مع بعض
وغلى اللبن وتحطى عليه ملح وفلفل وتقلبيه
وبعدين تجيبى صانيه وتحطى فيها الكبد والاوانص وتحطى عليهم الرز بالبصل اللى فيه وتحطى عليهم اللبن بعد ما يغلى
وتحطى عليهم شوية زبده صغيرين مش كتير عشان ميبقاش الاكل تقيل وتحطيها فى الفرن لحد ما يستوى و ممكن تعملى جنبها سلطة زبادى وبطاطس محمره وبألف هنا وشفا 
قولولى رأئيكم بقا ومتنسوش التقييييييييييييم
سلام يا احلى فتوكات مواضيع هذا القسم برعاية
lovememo lovememo فتكات متميزة Fatakat 824633 القاهره – مصر