السلام عليكم ورحمه الله وبركاته
ازيكم يا فتوكات عملت انهارده رز بسمتى بالكبده والمكسرات طلع روووووعه واتمسح كله طبعا
المكونات
كوبيتين رز بسمتى +كبده مقطعه صغير جدا +بصله +فلفل مقطعين صغير +فصين توم+مكسرات لو عندك بندق او صنوبر او لوز ماشى معندكيش اعملى بالسودانى زيى +زبيب+مكعب مرقه+ نقطه واحده كركم+اى توابل عندك بس يفضل توابل كتير ورق لورا وحبهان وروز مارى وقرفه فلفل وملح زعتر كل حاجه يعنى
الطريقه
هتجيبى حله فيها ميه وتحطى فيها التوابل كلها والمكعب المرقه لو عندك مرقه لحمه او فراخ وعايزه تستخدميها بدل المكعب ماشى وتسيبيها تغلى كويس
بعدين تجيبى حله تحطى فيها البصله و الفلفل وفصين التوم وتشوحيهم على النار وبعدين تحطى السودانى (لو هتستخدمى مكسرات غير السودانى تبقى تغليهم عشان القشره تتشال من عليهم وبعدين تحمصيهم فى طاسه على النار من غير اضافات )وبعدين تحطى الكبده تتشوح معاهم
واخر حاجه الرز تنزلى بيه تقلبيه معاهم وبعدين تحطى الشوربه يدوبك تغطى الرز يعنى الشوربه تبقى مرتفعه عن الرز حاجه بسيطه وتحطى الزبيب اخر حاجه لانه لو اتحمر بيلزق اول ما يغلى توطى النار عليه
وتستنى ربع ساعه وبالهنا والشفا
ودى صورته اتفضلوا ده للى هترد او تقييم انتو وضميركوا بقى
مواضيع هذا القسم برعاية
حبى لربى اكبر حبى لربى اكبر 255084_1.gif سوبر فتكات Fatakat 255084 القاهره – مصر