السلام عليكم ورحمة الله وبركاته
حبيت افيدكم بتجربتي انا بنتي عندها حساسية على صدرها ولفيت على الدكاترة الكبير والصغير وجربت ادوية كتير وكمان الكورتيزون وانتو عارفين اضراره وجبت جهاز التنفس و و و و و …………… والبنت مناعتها في النازل وبقت ضعيييييييييفة جدا من كتر الادوية والمضادات الحيوية ومفيش فايده
المهم واحده نصحتني الله يباركلها يارب في اولادها ويكرمها يارب بمنقوع اللبان الدكر وانا ضيفت عليه عسل تحححححححححححححفة
ماتقلقوش وتقولوا مر والكلام ده العسل هايعدله وبعدين هاتديه لولادك بالسرنجة بسرعة وبعدين كافئيهم بحاجة حلوة المهم النتيجة وماتكسلوش بجد النتيجة ممتازة انا فضلت فترة مش مقتنعة ومكنتش عايزة اجربه بس لما جربته ندمت اني ماعملتش كده من زمان
==========
ركزوا معايا اولا هنحتاج لبان دكر من عند العطار ودي صورته
**وسرنجة كبيرة**
وكمان هنحتاج العسل الابيض وطبعا كلننا عارفينه 
===============
بصوا بقى الملخص بالظبط بالنسبة لبنتي 4 سنين جبت معلقة صغيرة ومليتها على الاخر من لبان الدكر وغسلتها وغليتها مع شوية ميه صغيرين اوي اوي واخدت المية بتاعتها وضفت ليها 3 ملاعق شاي عسل مليانه وممكن اكتر لان العسل الابيض تحفة وقلبيهم على بعض وهاتي سرنجة كبيرة من عند الصيدلية 20 سم وحاولي تدي بيها لابنك او بنتك ماشاء الله ولا قوة الا بالله من اول مرة هتلاحظي الفرق الشاسع مفعولها كالسحر ولافضل نتيجة مرة على الريق ومرة مساء وخلال يوم او يومين هتلاقي النتيجة ان شاء الله وريحي ولادك ونفسك من الادوية وان شاء الله لو مشيتوا على الوصفة مش هتحتاجوا تروحوا لدكتور ساعة الكحة بإذن الرحمن
كل اللي انا عايزاه ترفعوا الموضوع عشان الكل يستفاد بدعوة ربنا يخليلي بنتي ويشفهالي ويجعلها ذرية صالحة
بعض الاجابات على الاسئلة …..
وطبعا ممتاز للكبار زي الصغيرين بس يزودوا الجرعة شوية
وبالنسبة للميه اللي بحطها بتكون قليلة قوي عشان الموضوع يبقى مركز واخلص في سرنجة واحده او سرنجتين وبسرعة يعني حسب مايعمل معاكي ممكن سرنجتين المهم كتري العسل وكمان لو حد رجع بعديه ماتقلقوش كده بيبقى احسن وبينضف الصدر اسرع
وانا بغليه لما اكون مستعجلة غلوتين كده انما ممكن المنقوع يعني تنقعيه من بالليل للصبح
===========
marmr_012 marmr_012 360010_21.gif فتكات ست الكل Fatakat 360010 cairo – cairo