ازيكم يا حبيباتى
باتى…. باتى …باتى باتى
*****
بما اننا بدائنا ودخلنا فى موسم الزبدة البلدى
اللى هو شهور كيهك وطوبة
قولت انزل لكم طريقة تسيح الزبدة
احسن حاجة انك تسيحى الزبدة وتكون مرملة
يعنى كلها عبارة عن حبيبات صغيرة جدا
بتبقى احلى شكل وطعم
متهيألى الصور هتوضح اكتر من الكلام
***معلومات عالماشى***
-احسن زبدة ممكن تشتريها
بتكون فى شهر طوبة
واسمها زبدة البرسيم
بتكون كمية اللبن اللى فيها قليلة
ومش بتقل كتير بعد ما تتسيح
-لو عايزة تخزنيها فترة طويلة
اما تشيليها كور زى ما هى فى الديب فريزر
او تسيحيها وتحطى فيها فلفل اسود حب (صحيح)
كام واحدة بس مش كتير
وتحفطيها متسيحة فى الثلاجة
-انا مش باضيف ليها اى حاجة الا حبوب الفلفل لو هتقعد كتير
وممكن لو عايزة لونها اصفر شوية تضيفى نص معلقة كركم
مش باضيف ملح خالص …لان هى بطبيعتها بيبقى فيها نسبة ملح خفيفة
-يفضل بعد ما تسيحيها تعبأ فى برطمان زجاج
وبلاش البلاستك
تعالوا بقى اقفوا معايا على البوتاجاز
الصور دى بالترتيب
اتمنى تكون كل الخطوات واضحة
ولو فى اى سؤال انا تحت امركم
ويا ريت مش تنسوا تقدروا تعبى
وتقيموا الموضوع
ملحوظة
المشاركة رقم 26
فيها الرد على الاسئلة وصورة للمورتة
مواضيع هذا القسم برعاية
♣♣ jollya w bas ♣♣ ♣♣ jollya w bas ♣♣ 104679_27.gif ملكة فتكات Fatakat 104679 فى ارض الله الواسعة – مصر التى فى خاطرى