مش هطول عليكم كتير محتاجة مساعدة طبيب او خبير ضرورى قبل مايسيطر عليا الاكتئاب وتدمر حياتى الحكاية باختصار انى متزوجة فى محافظة بعيدة عن الاهل والاحباب بقالى اكثر من 3سنوات وزوجى سايبنى لوحدى كل الوقت وبيقضيه فى شغله حتى الوقت اللى بيقعد فيه فى البيت بالرغم انه بيكون نادر مابحسش بوجوده برده يااما بينام لغاية معاد شغله يااما بيتفرج على التليفزيون او بيقرا جرنال المهم انى بحس انى مش فى دماغه اللا وقت مايعوز منى حاجة شخصية والمشكلة انه تقليدى جدا مابيحبش التغيير او التجديد او حتى الخروج فى اى مكان للترفيه حتى ولو ساعة وبالرغم اننا ماديا مستريحين الحمد لله مش عارفة ايه سبب حبه الشديد للشغل وتركى بمفردى وطبعا اتكلمنا كتير فى الموضوع ده وكان دايما يقوللى ماهو ده عشانكم وانه مش حابب كده لا بد منه انا مشكلتى بقة ان حتى وقت الاجازة مابنقدرش نستمتع بيها لانه مابيرضاش يخرج اساسا من البيت وحاولت كتير اقنعه اننا لازم نغير جو كان تبريره انه مااحنا قاعدين مع بعض اهو ومبسوطين وهو طبعا مش حاسس باللى جوايا والمشكلة الاكبر ان ماليش حد فى المكان اللى انا فيه ده ممكن اثق فيه واتركن عليه واروحله وقت فراغى حتى مافيش خدمات او ترفيه فى المحافظة دى ممكن اروحها حتى انا وابنى اللى لسه تامم سنتين لغاية مابقيت احس بملل شديد ومابقيتش عارفة اعمل ايه او اتصرف ازاى ارجوكم ساعدونى قبل مااسرتى تتفكك والحالة تسوء اكتر ربنا يكرمكم عايزة حد فاهم بجد مشكلتى وعايزة حلول مضمونة حالتى النفسية وحشة جدا ومش مستعدة ادهورها اكتر من كده
د مى اسنان د مى اسنان فتكات نشيطة Fatakat 1117538 العريش – مصر
سبحان الله و بحمده