بسم الله الرحمن الرحيم
انا النهارده قعدت مع نفسي كده وقولت وليه يابت متعمليش موضوع للفتوكات عشان يستفيدوا ويدعولك المهم مسكت ورقة وقلم وقولت اعمل موضوع عن ادوات العنايه الشخصيه كلهاااااااااااااااااااا
ونبتدي كده عشان مطولش عليكم
اولا:العنايه بالشعر
1_امشاط وفرش خشب احجام متنوعه (اوعو يابنات تستخدموا امشاط بلاستيك لانها بتخلي الشعر يقع وبتتفاعل مع الشعر في حاجه زي الي في الصورة ده وفي منه احجام وكمان في فرش للي مش بتعرف تستخدم مشط.
2_مكواه سراميك(طبعا دي براون وممكن تجيبي اي نوع تاني انتي عاوزاه وممكن متجيبيش خالص حسب راحتك
3_سيشوار(انا شايفه انه مهم عشان مينفع وانتي عروسه كتكوته كده تطلعي من الحمام شعرك مبلول وعماله تسقطي ميه لازم ننشف الشعر عشان كمان مينفعش نسرحه وهو مبلول هيتبهدل ويقع)
4_شامبو (حسب راحتك الشخصيه )انا بحب جونسون لانه خفيف مفيهوش كيماويات كتير
طبعا في انواع تانيه فأنتي حسب نوع شعرك استعملي
5_بلسم(حسب راحتك الشخصيه)
انا بصراحه بحب كل منتجات جونسون حاجه فخيمه جدااااااا
6_حمام كريم ده فاتيكا وفاشكول الاتنين حلويين انا مش بحب فاتيكا اوي بس فاسكول جميل
6_زيوت للشعر لعمل حمام زيت
ده زيت اسمه فازليين انا بجيبه من بره وفيه واحد تاني لونه اخضر تحفة لما تيجي تعملي بيه حمام زيت
7_كريم للشعر
فاتيكا طبعا غني عن التعريف هو حلو جداااااا
8_ماسك للشعر وده ماسك للشعر وجميل بيطري الشعر برضه وبيخليه حلو اوي
9_بديل الزيت (حلو جدا لو مش عاوزة تسيبي شعرك منغير مكواهتحطيه على شعرك وهو مبلول وتسيبي شعرك كده بطبيعته للتغيير ده دوف وفي منه بانتين
10_سيرم ده بقى روحي روحي روحي ده بتحطيه بعد السيشوار او المكواه بجد تحفه ولا بيبقى الشعر ملزق ولا اي حاجه تحفه
11_سبراي مثبت للشعر (بعد ما تعملي شعرك سيشوار او مكواه لو كان شعرك من النوع الي بيهيش ده من اورفليم وياريت متسترخصيش وجيبي نوع نضيف)
12_توك واكسسورات للشعر توك بقى وحركات لزوم الدلع هاتي توك للنهار لما تكوني لابسه مثلا كاش مايو عسول كده وتعملي ديل حصان وهاتي حاجه لبعد الضهر لما تلبسي لبس خروج الي هو احنا بنلبسه في البيت ده وكمان هاتي حاجات بتلمع لبليل بقى هيبقى شكلك تحفه وجامده جدااااا
13_بنس ورولوو(بكر) للف الشعر وعمل الكيرلي
14_بونيه للحمام وده طبعا عشان نلبسه وقت الحما ماهو مش كل شويه هنغسل شعرنا
15_بندانه للم الشعر اثناء عمل الميك اب او الماسكات البتاعه دي حلوة جداااا مش بتنزل الشعر على وشك ولا حاجه خالص هاتو منها واحده
16_ايشارب مخرم (عشان لف الشعر واحنا نايمين عشان شعرنا يتنفس ميكونش مكتوم )
17_بونيه السيشوار وده حلو جداااا لما نكون لافيين رولوو وعاوزين نعمل كيرلي عملي جدا في البيت
كده يابنات انا خلصت الشعر كله بالله عليكم شجعوني ده اول موضوع ليا واوعوا تنسوا التقييم والردود عشان لسه كتييييييير جدااااااااا وان شاء الله هكمل كل حاجه وبالتفصيل وباذن الله مش هنسى حاجه وعلى فكره يابنات كل الحاجات دي مش لازم تتجاب يعني كل واحده تجيب على قد ما تستعمل وعلى حسب تعودها وادعولي بالله عليكم ان ربنا يحققلي الي بتمناه ويجمعني انا وخطيبي ويرزقه اوعووو تنسوا الردود عشان اكمل
نفسي احيك نفسي احيك فتكات نشيطة Fatakat 642657 كفر الشيخ – مصر