السلام عليكم ورحمة الله وبركاته
ازيكم يا احلي فتوكات في الدنيا
انهاردة انا نازلة لكم بموضوع انما ايه تحفة روعة
اكلتنا انهاردة هي الشيبسي بتاع برة اللي اخيرا هنعمله في البيت وبالطعم اللي احنا عايزينه
واكيد كل ام نفسها تتعلمه علشان تعمله لولادها في البيت
بدل ما يشتروه من برة وبتاع برة مضر
بصي يا ستي الموضوع سهل جدا وبسيط كل اللي عليكي ان انتي تعملي اللي هقوللك عليه
1-هنجيب 2 بططساية زي دول
وبعدين نقشرهم ونخليهم كدة (انا ماشية معاكي واحدة واحدة اهه )تمام كدة
وبعدين نقطعهم حلقات شيبسي رقيقة جدا لو عندك قطاعةشيبسي اعملي بيها ولو مش عندك قطعي بالسكينة بس خليها حلقات رقيقة زي دي
دلوقتي بقي هنجيب حلة تيفال متوسطة ونملا نصها زيت علشان هنقليها في زيت غزير بس متقلقيش مش هتشرب الزيت ولا حاجة زي ما هتحطي الزيت زي مهتشيليه
وادي الحلة اهه وفيها الزيت
بعدين نحط الشيبسي واحدة واحدة بس نحط الكمية كلها يعني مش نقليهم علي مرتين
زي كدة
ودة شكل الشيبسي بعد القلي
شوفو روعة وعامل زي اللي برة واحسن كمان
جاء دور الطعم بقي
في كياس بتتباع في السوبر ماركت بالطعم اللي انتي عايزاه الكيس ب2 جنيه ونص
الاطعمة دي بتاعة حاجات تانية وانا استخدمتها مع الشيبسي وادت نفس الطعم بتاع برة
انا هنا استخدمت طعم الكباب اهه
حطيت الطعم علي الشيبسي وقلبتهم في بعض ودا شكلهم
وباللهنا والشفا
كدة خلصت اكلة انهاردة يارب تعجبكم بس اهم حاجة متنسوش التقييم والمشاركات والتعليقات والذي منه
ويارب الموضوع يتثبت وياخد تميز
انا هستني اشوف رايكوا
يلا اقعدوا بالعافية
مواضيع هذا القسم برعاية
عدلات المعدلة عدلات المعدلة images/avatars/whiteflower.jpg ممنوعة من المشاركة Fatakat 869731 الشرقية – مصر