السلام عليكم ورحمه الله وبركاته
ازيكم يا قمرات باركولى اخيرا وبعد صراع طويل دام اكثر من شهر جبت الاجهزة وبردو مش مرتاحه تماما
هقولكو جبت ايه وقولولى رأيكو بأمانه تامه صلو على سيدنا محمد
الغساله (سامسونج فوق اتوماتيك 11 كيلو) ب 2400 بعد 2650
وماما كمان جابت واحدة شكلها شيك اوى مع انى كنت ناويه على ال جى ومكنش ف دماغى خالص اى حاجه تانيه من كلامكو على ال جى بس بصراحه سألت كتير على الا ال جى ف كذا مكان ومكنتش بحس منهم انها حلوه بسبب صيانتها
تلاجه (زانوسى جراند 14 قدم ) ودى اللى انا مش مبسوطه منها اوى
هى كانت عجبانى جدا عشان وسعها وشكلها شيك وليها مكان من جوه لعلب الكانز بس سمعت كتير ان صوت موتورها عالى وكنت خلاص قررت انى هجيب شارب الجديده 16 قدم
المهم الراجل قعد يقولى ويحلف ان زانوسى احسن وقطع غيارها موجوده هنا وعرايسى وووووو كلام كتير وعشان اصلا كانت عجبانى جبتها بس برده قلقانه حد يطمنى
انا قولت هشغلها واسمع صوت موتورها ولو مش تمام هغيرها قبل ال 14 يوم مايخلصو ربنا يسترها معايا ومع كل المحتاسين
وده (بوتجاز كريازى القديم) مش اختيارى بابا ربنا يخليهولى جايبهولى من حوالى 4 سنين مش عارفه كان ليه بالظبط بس جابه وبعد كده لقيتكو بتشكرو فيه
ودى (مروحه فريش ب 260)
ودى (فرن كوميتل 35 لتر ) وبرده قلقانه منها وحاسه انها صغيره بفكر ارجعها واجيب وايت ويل قولولى رأيكو
ب 385
بالله عليكم لو حد جربها يقولى عامله ايه
وكان ليا اختار هديه ( كاتل – مكوة – ترابيزة مكوة – سيشوار – قاعده الغساله )
كنت هاخد السيشوار بس قالى مفيش منه ناو والمكوة مش عجبتنى خدت ترابيزة المكوة
moony90 moony90 701050_2.gif فتكات رائعة Fatakat 701050 القاهره – مصر