انا نفسى افضفض مع حد خلاص معدش قادرة استحمل تانى انا مش قادرة حتى انام ولا اسمع التلفزيون ولا اكلم واشوف حد كرهت نفسى لدرجة ان نفسى ربنا يخدنى واستريح من كل الى انا فيه دة .يمكن انتو عارفين ان عندى بطانة مهاجرة اكتشفتها بعد الجواز ب3 شهور وبدات مشوار الدكاترة الى مش بيخلص ومن سعتها وانا بدعى ربنا ان الكابوس ده يخلص بس مفيش فايدة بعد سنة عملت منظار شلت بلاوى واكياس دمويه كبيرة وقلت خلاص هانت بكرة اقول لكل واحدة عايرتنى بانى مش بخلف ان انا حامل واشيل طفلى بين اديا واودى حضانه ومش هنام الليل من الصراخ وعشت الامومة بس مكنتش فاكرة ان ربنا بيكرهنى كدة خالص بعد العلاج الطويل والعملية رجعت تانى بس كمان ايه اصعب من الاول انا اتصدمت مش عارفة اعمل ايه تانى خلاص والله فقدت الامل فى كل شئ بقيت حتى مكسوفة من جوزى واهله عمالة اصرف فلوس كتيييييييييييييييييييييييييييييير من سعت الجواز واخرتها لسه هعيد المشوار من تانى وياريت الناس سيبانى فى حالى لا دول بيزودوها اكتر كل واحدة وكلمتها اعمل ايه بس ياربى .انا مش عارفه اقول ايه انا بقيت خايفة ان ادعى ربنا زى زمان مش عاوزة احس ان كمان ربنا بيكرهنى مش عاوزة اتصدم تانى وربنا يخيب ظنى ومحملش .كرهت الايام الى قبل الدورة من كتر مابتمنى انى اكون حامل وتيجى كرهت نظرات التريقة من الناس ومن الحامل الى بتخبى عليا حملها لحسن احسدها علشان انا عقيمه على كلامهم .اعمل ايه اعمل عمليه تانى بعد ما الدكتور قالى ان ممكن يشيل المبيض لوكان المرض منتشر ولا اقعد على امل انى اكون حامل مش عارفة اعمل ايه ساعدونى انا حاسه ان هيجرالى حاجة من التفكير تعبت والله تعبت خالص
جودىجودى جودىجودى 523930_1.gif فتكات حبوبة Fatakat 523930 السراب – مدينة الحلام
سبحان الله و بحمده