بسم الله الرحمن الرحيم
ازيكم ياحلى فتوكات بصراحه انا قولت انزل الموضوع هنا عشان الكل يستفيد وياريت اللى عندها طريقه برده او راى تقوله عشان كل البنات واحنا كمان نستفيد اكترانا عندى طريقه مختلفه للكوارع شويه وانشاء الله
تعجبك وتددعيلى
اول حاجه الكوارع طبعا بتكون مقطعه عند الجزاز انتى بس بتغسليها كويس بدقيق وملح وشويه خل
وبعد كده هتجيبى الحله اللى هتعملى فيه وتحطى فيها الكوارع ومن غير اى حاجه خالص وتسيها لحد متنزل الميه اللى فيه وكل متنزل ميه تصفيها وده ليه عشان متكنش فيها راحه زفره خاصه لوتحبى تشربى الشربه بتعتها بعد ماتنزل الميه منها هتحطى عليه حته سمن فلاحى بسيطه وفص حبهان ومستكه ورق لورا وبصله مقطعه اربع وحبه فلفل اسود وتشوحيها شوى وبعدين تحطى ميه وتسبيها على النار تاخد وتتدى مع بعضها لحد ماتستوى وبعد ماتستوى تحطى الملح
وهى على النار بتستوى هتكون مجهز الاتى
هتقشرى شويه توام مش كتير يعنى وضرب فى الخلاط شويه طماطم حلوين علشان كمان الفته بصى بقى وخدى باللك
هتصفرى التوم فى السمن وطشى عليها الطماطم وتحطى عليها ملح وفلفل وبهارات وتسيبها لحد ماتتسبك خالص
بعد بقى ما الكوارع تستوىوتحطى الملح عليه هتعملى ايه هتجيبى الصلصه اللى اتسبكت وتاخدى منها شويه وتحطيها على الشوربه هتدى معاكى لون حلو اوى وطعمها كمان تحفه بس ياستى وبعد شويه هتنشيلى الكوارع من الشواربه وتصيفيها بعد كده هتعملى ايه انتى عندك لسه صلصه طماطم صح هتجيب صينه وتتدهنى الكوارع صلصه وترصيها فى الصينه وعليها رشه زيت بسيه جدا وعلى الفرن على طول حمرى وشها وقيلبها حمرى الوش التانىوده ليه بدل القلى فى الزيت لان الكوارع بتكون طريه وتترتش زيت كتير اوى ومن ناحيه تانين مش هيكون فى دهون كمان وهيكون لونه احمر وجميل اوى
كده خلصنا الكوارع نيجى على الفته انا بعملها بالمحص ازاى هقولك
بحمص العيش واركنه واجيب صينه واحط فيها رشه زيت اوسمن بسيطه جدا وطبعا الحمص عندى فى الفريزر مسلوق هو بس احمره شويه بسيطه فى الزيت او السمن بس واركنه برده وتخدى الصينه وتحطى فيها العيش وعليه شوربه الكوارع لحد مايشربه احنا عندنا فوق العيش بنحط شويه ارز ابيض وعليه الصلصه الباقيه والثوم بالخل والحمص على الوش
وكلى بقه احلى فته كوارع وادعليى
اه ياجماعه طريقه التوام بالخل اكيد ناس كتير عارفها بس هقولها زياده تاكيد هتفرمى كام فص توام وتصفريه فى حته سمن اوزيت حسب رغبتك وتحطى عليه على طول شويه خل وتقلبيه بس كده
ياريت كل وحده تقولى رايها ولو الموضوع عجبكم اوعى تنسوا التقيتم
على فكره والله انا مجربه الاكله دى عندنا فى البيت وعلمتها لكل اصحابى كمان ياريت بقى تقولولى رايكم مواضيع هذا القسم برعاية
حبيبى انت بحبك حبيبى انت بحبك فتكات حبوبة Fatakat 455781 قلب حبيبى – القاهره
سبحان الله و بحمده