السلام عليكم ورحمة الله وبركاته
ازيكم يابنات
كل سمة وانتم طيبين
طبعا انتم متعودين لازم كل سنة اعمل حاجات مختلفة ف الاسماك وفواكه البحر خصوصا انا لا باكل فسيخ ولا رنجة ولا الحاجات ديه نهائي
ملحوظة صغيرة سعر الاسماك ف شم النسيم ارخص بكتير من الاسام العادية لانه الموسم بالاضافة ان كيلو الفسيخ ب100
المقابل كيلو الجمبري ب70 يبقى ماكلش جمبري ليه هههههههههه
ندخل ف المهم
هبدا باول حاجة
طاجن سي فود بالكريمة
المقادير
نص كيلو سي فود هتلاقي بالكيلو ف كارفور وفي اي سوبر ماركت بيكون كيس ف كيلو
5 فصوص ثوم
بصلة كبيرة مبشورة
بصلة حمراء مقطعه
ملح-فلفل أسود
حبة فلفل أخضر مفرومة
نص لتر كريمة
نص كوب شوربة او مكعب مرقة مذاب ف الماء
الطريقة
شوحي البصل والثوم في ملعقة زيت لحد مايحمروا
بعد كده نضيف الفلفل الاخضر
هنضيف السي فود بتاعنا
هنقلب شوية وبعدين هنضيف البصلاية الحمرا المقطعهة مكعبات
هنضيف اخيرا الكريمة والشوربة ونسيبهم لحد مايغلو
بعد كده لما يغلو شوية هنحطها ف طاجن
هندخلها الفرن لحد ما كل المكونات تستوي ومن ثم هنضيف فوق الوش جبنة موتزريلا
مصورتهوش وهو طالع بس هتشوفه ع السفرة
يتبع
مواضيع هذا القسم برعاية
Chef Abeer Hosny Chef Abeer Hosny 152334_33.gif برنسيسة فتكات Fatakat 152334 اسكندرانية وعايشة ف القاهرة عشان جوزي – مصر