السلام عليكم ورحمة الله وبركاته
ازيكم يا حبايبى
يارب تكونو بخير وبألف صحة وسلامة وانتم وكل حبايبكم يارب
هدخل فى الموضوع على طول لان بجد قلبى واجعنى عليه اوى
هو عنده 7 شهور ونص ومن امبارح كدا بيعطس خفيف وجسمه دافى شوية
يعنى كأن الجو حر مثلا وجسمه دافى بس من الجو
لكن طبعا الجو مش كدا خالص
المهم هو نام من شوية كدا ونفسه بيعمل صوت من جوا صدره وبيعطس
وبحط ايدى على صدرى كدا بيتهز جامد مع الصوت .. صوت زى (اعزكم الله) الناس اللى بتصدر صوت من الانف اثناء النوم
لكن دا من جواها
يارب اكون عرفت اوصلكم قصدى وتكونو فهمتونى
المهم انا خايفة عليه أوى
وعارفة ان معظم الاطفال بتتعب اليومين دول بس انا للاسف مليش خبرة خالص ودا اول بيبى ليا ربنا يحفظه
وبتعب اوى اما بيتعب
ونفسى الحق البرد دا قبل ما يشد عليه
قولولى اعمله ايه ؟
اشربه حاجة تقوى مناعته شوية ولا أأكله حاجة ولا ايه ؟
انا دوا شرب عبارة عن فيتامينز
دا ممكن ادهوله ؟؟ اسمه مارفيت
ارجوكم ساعدنى انا مش عارفة انام من كتر قلقى عليه
اه بالمناسبة هو امبارح جاله دور اسهال بس انا اديتله سميكتا وكمان اكلته جزر مسلوق
وانهاردة الحمدلله بئا كويس ومفيش حاجة
ياريت اللى ليها خبرة تدلنى ومتبخلش عليا
وربنا يحفظكم انتم واولادكم من كل سوء يارب
yoka mody yoka mody 500064_1.gif فتكات هايلة Fatakat 500064 المعـــادى – مصر