السلام عليكم ورحمة الله وبركاته
ازيكم يا أمهات
انا بنتي الصغيرة (3 سنين ونصف ) ضعيفة جدا ووزنها 11 كيلو
والدكتور قال لي ان وزنها قليل قوي وكتب لها على فيتامينات
المهم هي مناعتها برضه ضعيفه وأكلها أي كلام
ومن شهرين تقريبا عملت عملية اللوز
ومن ساعتها حتى الأكل اللي كانت بتحبه رفضاه
وممكن تقعد على نصف كوب لبن من الصبح لغاية الغذاء وبس تأكل شوية عنب او بلح وخلاص
فأمبارح كنت شارية حلاوة طحينية اللي هي بنصف جنية ( البوادي )
فقالت لي أيه ده يا ماما قلت لها حلاوة
قالت انا عايزه واحده
أديتها لها فعجبتها وكانت عايزه كمان
المهم اشتريت أربعه وقلت كل يوم أديها واحدة
لقيتها أكلتهم على الأفطار بدون عيش
حتى حاولت احطها في رغيف عيش طويل مرضتش وقعدت تعيط
انا عارفة ان الحلاوة الطحينية كويسة
بس خايفة يكون كثرتها فيها ضرر عليها
يا ريت حد يقول لي
اموره ببناتي اموره ببناتي 828123_2.gif فتكات متميزة Fatakat 828123 كفر الشيخ – مصر