1
محشي كوسه مع دجاج بالجنزبيل
مميز جدا
—————————————
الكوسه اولا انا بقسمها نصفين و ااقور ها عشان تبقي كده صغنونه ولذيذه
وبقشرها
الخلطه بقي
الارز شبت بقدونس كسبره ملح فلفل كسبره وكمون صلصه طماطم طازجه بصله مبشوره ناعم زيت
ونحشي وعلي صنيه ترص فوق البوتجاز مع اضافه الماء ثم في الفرن
الفراخ بالجنزبيل دي وصفتي من اختراعي
اولا في سلطانيه كبيره
نقطع
الفراخ صوابع رقيقه
الجزر شرائح
الجنزبيل طازج شرائح رفيعه
البصل جوانح
ثوم
التتبيل
صويا صوص- ملح- فلفل-كسبره-زيت
ونسخن طاسه حلو
ونرمي كله مع بعض و نقلب بسرعه
لحد ما نشوح الفراخ كلها نوطي النار
نفضي مكان علي جنب و نشوح لسان العصفور
ونضيف ماء بمقدار صغير حتي تستوي
الطعم بيبقي روعه
وممكن اعتبارها اكله لوحدها متكامله
——————————————————————————————————-
2
كفته الارز بدون كبه
————————
نصف كيلو لحم مفروم
300 جرام ارز( منقوع ويضرب في المطحنه ناعم ويصفي بمصفاه ضيقه)
3 فص ثوم مهروس
شبت بقدونس كسبره نصف حزمه من كل
ويقطعوا بمخرطه الملوخيه ناعم
ملح فلفل كمون
نخلط الارز مع الخضره ثم التوابل ثم اللحم
و يعجن باليد كويس
انا بععمل كده لان الكبه بتاعتي صغيره
وبفضل اعمل علي دفعات فاخترعت الطريقه دي
ممكن تتعمل كور او صوابع
و تحمر في الزيت وتصفي
وتحفظ في الفريزر للحاجه
الصوص فصين ثوم وعلبه صلصه طماطم طازجه
مع جوانح البطاطس
بس نحمر البطاطس
خفيف الاول مع الثوم والصلصه قبل وضع الكفته
وممكن اضافه الخضره لو بتحبي
—————————————————————————-
3
شوربه الجمبري في 10 دقائق
—————————-
الجمبري يغسل ونحطه في الحله ونضيف
ملح- فلفل-كسبره-كمون -نعناع جاف-حبهان-ورقه لوري-بابريكا
وشرائح ليمون وبصله كامله وثوم شرئح
يرفع علي نار عاليه ل ربع ساعه
نعرف السوي من سهوله نزع الراس
ودوقي احلي شوربه جمبري
لو عايزاه بالكريمه
تصفي الشوربه اولا
ثم تخدي شويه شوربه بره وتحطيلها الكريمه وتمزجي
ونعيديها للحله
تاخد غلوه خفيفه
———————————–
يتبع
مواضيع هذا القسم برعاية
سويداء القلب و زهره الربيع سويداء القلب و زهره الربيع 4310_20.gif فتكات ست الكل Fatakat 4310 الرمال – البحر