السلام عليكم ورحمه الله وبركاته
يا جماعه انا محتاره جدا ومش عارفه اعمل ايه قلت اخد رأيكوا لو انتى مكانى هتعملى العمليه ولا لاء
انا ابنى عنده 3 سنين ونصف ولاحظت ان سمعه بيضعف
ذهبت الى طبيب انف واذن بالمستشفى القصر العينى الفرنساوى وبعد الكشف
قال: انه عنده مياه بسيطه خلف الاذن وطبيعيه فى سنه
بعدها باسبوع ابنى كان بيصرخ من ودانه رحت لدكتورفى عياده خاصه اسمه د – مجدى كامل لو حد يعرفه
قالى عنده التهاب ومياه خلف الطبله واخد علاج للالتهاب وعلاج شهرين
للمياه وبعدها الدكتور قالى اعمل ضغط اذن وظهر فيه انه عنده مياه كتير
ولابد من عمليه انابيب حبيبت اتاكد قبل ما اعمل العمليه
قالى روحى اعملى اشعه على البلعوم الانفى وقياس ضغط أذن
رحت لدكتور سمعيات وعملى ضغط الاذن وقالى فى مياه كتير ولازم يعمل العمليه
والاشعه فيها لحميه هيعمل كمان اللحميه …….. قلت أتاكد بردوا عشان انا بخاف من العمليات
سالت وعرفت ان فى دكتور كبير بييجى من القاهره فى التامين الصحى
كشف و قالى مفهوش حاجة قلت أتأكد تانى و اروح مستشفى أفضل من التأمين
رحت مستشفى عين شمس التخصصى ووريته ضغط الاذن واشعه كنت عاملها على البلعوم
الانفى راح قالى سيبك من كل دا انا كشفت وابنك معندهوش حاجة
وبص على الاشعه وقالى مفيش لحميه ولا حاجة
رجعت تااااااااااااااانى
للدكتور اللى فى العياده الخاصه قالى لو العمليه مش اتعملت فى خطر على سمعه
دلوقتى انا مش عارفه اصدق مين انا كدا رحت لخمس دكاتره اتنيين قالولى عمليه وتلاته قالولى كويس
حد يساعدنى ويقولى لو مكانى هيتصرف ازاى
ياريت متبخلوش باجابتكم وأدعوا لالبنى ربنا يشفيه
أم عبووودى أم عبووودى 912237_1.gif فتكات متميزة Fatakat 912237 السويس – مصر