لأي أم أبنها أو بنتها متأخرين في الكلام دي شوية أرشادات كده من أخصائي تخاطب
نفذيها ومش هتندمي قبل ما تفضلي تلفي بيه على الدكاتره :
1- أستخدام النشاطات المنزليه اليوميه في التنبيه اللغوي المستمر للطفل ( يعني طول
ماهو قاعد معاكي تعلقي على كل حاجه أو زي ما بيقولوا كده أخصائيين التخاطب تبقي
عامله زي معلق الكوره )
2- تمضية ثلث ساعه يوميا للعب مع الطفل حسب مستواه ( وبلاش كسل )
3- قراءة قصه يوميا مع الطفل أو أستعراض صور في كتاب ( وما تقوليش مش فاضيه
لأن هو أهم من أي حاجه تانيه )
4- أعطاء فرصه للطفل للتعبير عن نفسه وعدم الأكتفاء بالأشارات أو الأصوات غير
المفهومه ( يعني تعملي نفسك عبيطه ومش فاهماه علشان يتكلم )
5- تصحيح ما نطقه الطفل بطريقه خاطئه بأن يعاد قوله فقط بطريقه سليمه دون أرغام
الطفل على أعادة ما قال فهذا تصحيح أو correction ( يعني ما تغلسيش وتصري
أنه ينطق الصح لحسن يعند )
6- أعادة الكلمات الجديده التي تعلمها الطفل أو تأكيد Reinforcement ( ومن غير
ألحاح )
7- أعادة الكلمات التي صاغها الطفل في جمل قصيره ولكن في جمل أطول وهذا توسيع
للمدارك اللغويه أو القدرات التخاطبيه للطفل
8- مكافأة الطفل عند أستطاعته قول شيئ جديد أو تصحيح شيئ كان يقوله بطريقه
خاطئه والمكافأه قد تكون مستمره في كل مره أو متقطعه والمكافأه المتقطعه تأتي
بنتيجه افضل
9- عدم أرغام الطفل على أعادة ما نقوله بل مجرد تشجيعه ليعبر عن نفسه
يارب أكون أفدتكم
وما تنسوش التقييم
ام مازن وزينه ام مازن وزينه 376085_7.gif فتكات هايلة Fatakat 376085 القاهره – مصر