انا في فترة حملي مريت بمشاكل كتيررررررررررر جدا .. صحية ونفسية .. وولدت قيصري وقبل معادي بكتير
ومن اول يوم وأنا بلف على الدكاترة انا ووالده وكل الأطباء يقولوا تمام مفهوش حاجة .. رحنا لأكبر الدكاترة علشان كنا خايفين عليه جدا لان حملي كان مش سهل بالمرة ..
المهم أكتشفت أنه على سن سنة ونص مفيش ولا سنة طلعت ولا بيقوم ولا بيحبي ولا بيتحرك خاااااااالص ورافض نهائيًا اى أكل جديد وكان يتعب كتير نزلات برد وسخونية ولما يشرب يجيله شرقة وبتكرر كتيرررر .. وقتها بقينا نلف بيه من جديد من دكتور لدكتور وكل دكتور يشخص الحالة على مزاجه .. لحد مرحنا لدكتور وقال اعملوا ليه أشعة مقطعية على المخ وعملوا تحاليل … رحنا وعملنا وطلع أنه عنده كسل في خلايا المخ نتيجة انه أثناء الولادة أتزنق في بطني والله يسامحهم كان المفروض يحطوه على طول على جهاز الأكسوجين .. حسبنا الله ونعم الوكيل .. هذا قضاء الله والحمد لله مع أني رحت مشتشفي غااااالية .. بس الضمير معدوم .. بقينا مشين على العلاج
اللى محدده دكتور المخ والأعصاب وبقى أملنا في ربنا كبير .. الحمد لله العلاج جاب نتيجة وجلسات العلاج الطبيعي وبقى بيتحرك كويس الان اللهم لك الحمد بس لما بيجري بيقع معندهوش أتزان وأسنانه طلعت .. بس كله طبعًا بتأخير .. .. المشكلة أنه الى الأن مكلمش خاااااااالص .. والى الأن بيلبس بامبرز .. وبيخاف من الأطفال وبيبعد عنهم .. ولو هو وسط تجمع أطفال بيكون في وادي وهما في وادى .. عصبي جدااااا .. وبيعد يعمل حركات أدام الناس بيشعروا فيها أنه مش طبيعي . مع انه زى القمر وجميل ما شاء الله . بس نظرات الناس بتقتلني .. لدرجة أني مبقتش أروح عند حد ولو رحت اروح من غيره … انا عايزة أعرف أعمل أيه .. اللى تعرف مراكز كويسة او مداااارس .. اللى عندها أبن زي أبني أتمنى لا تبخل عليا في نصائحها .. منتظرة ردكم
شهيدة التوحيد شهيدة التوحيد 1104450_3.gif فتكات حبوبة Fatakat 1104450 القاهرة – مصر
سبحان الله و بحمده