السلام عليكم و رحمة الله و بركاته
ازيكم يا حلوين
اعتمادا من مبدأ من جاور السعيد يسعد…. النهارده و انا فى احدى جولاتى اليومية على النت لقيت خير اللهم اجعله خير موضوع فى احد المنتديات …..
الموضوع عن ايه ؟؟؟؟
عن كريم السعد اللى هو بيزيل الشعر نهائيا الكريم من عند حراز طبعا اكيد عارفينه …!
انا كنت عملت موضوع من فترة عن الكريم و سألت لو اى واحده كانت جربته بس للاسف محدش فادنى
و كنت مترددة اشتريه و لا لا لحد ما شفت الموضوع ده زى ما قلتلكم كده
الصراحة انا لو اقدر انزل اجيبه النهارده مش هتأخر بس ربنا يسهل و انزل قريب
المهم علشان ما اطولش عليكم
اتفضلو ده الموضوع
(منقول يا اخوانا منقول منقووووول)
………………………………………….. ………………..
السلام عليكم ورحمة الله وبركاته ……..أسفة جدا لأني إتأخرت عليكم ……..الوصفة دي كتير من العضوات إتكلموا عنها وذكروا مكونها الرئيسي …يعني مش أنا إلي إخترعته ….بالعكس أنا أصلا كل وصفاتي وخداها من منتدايا الحبيب عالم حواء ……من العضوات المميزات إلي بجد وصفاتهم اكثر من رائعة ……..بس هو كل الموضوع إني أضفت بعض المكونات من عندي لزيادة النتيجة وللحصول علي نتيجة رائعة مؤكده……..الحاجة التانية إلي أحب أؤكد عليها إن سبب نجاح كل الوصفات إلي بنزلكم تجاربي معاها إني عندي صبر يهد جبال الحمد لله علي هذه النعمة وكمان عندي إرادة حتي لو كنا في عز البرد …مبكسلش يوم ..ولا بمل يوم ….لا صيف ولا شتاء ……..ومش من النوع إلي أستخدم الوصفة أسبوع ولا شهر وأبطل إستخدامها بحجة إنها معملتش حاجة ومشفتش نتيجة ……….بفضل وراها بال5 وال8 شهور ………وبطبق النظام بحزافيره ………… وعموما متتخضوش وصفتنا بتاعة النهارده مش حتحتاج الوقت ده كله عشان تبان النتيجة ……بس من أولها لو في وحده كسلانه ومش بتحب تستحمي كتير وبتتحجج كتير بالبرد يبقي بلاش أصلا تستخدم الوصفة ……أنا عايزة بنات عندها إرادة إنها توصل للمثالية في الجمال مهما كانت الظروف المحيطة بيها ….إتفقنا يا بنات ………معلش أنا عارفة إني رغاية :30::30::30::30: بس عشان أفهمكوا وأديكوا دفعة للأمام ……..عموما قبل الوصفة أقلكم نتيجة الوصفة ………..بعد الإستخدام الأول حتلاحظي إن الشعر بقي نموه بطئ وتأخر في معاد نموه المعتاد ……..يعني لو طبيعتك الشعر بيبدأيطلع وينبت بعد 3 أيام من تاريخ شيله بالحلاوة حتلاحظي إنو حيبدأيطلع بعد 10 أيام وبعد الإستخدام الثاني حيطلع بعد 13 يوم وفي الشهر إلي بعده حيطلع بعد 20 يوم وحتلاحظي إن في أماكن فارغة من الشعر تماما والأماكن إلي طلع فيها شعر حتلاقي الشعره ضعيفة وناعمة مش خشنة وسميكة زي الأول وهكذا لحد ميجي عليكي وقت مش حتلاقي ولا شعراية واحدة ……….أنا جربتها في المنطقة الحساسة … المكونات 1- روحي للعطار قوليله عايزة نبات السعد وخليه يطحنهولك عشان نبات السعد صعب جدا طحنه ويخليه ناعم جدا 2-كريم السعد بتاع العطار المصري حراز وده أنا إلي أضفته للخلطة لتأكيد وسرعة النتائج 3- لوشن سيلك أند سموث من شركة أوريفليم السويدية لمستحضرات العناية بالبشرة وده لإبطاء نمو الشعر وده برضو أنا إلي أضفته للوصفة لزيادة وتأكيد النتائج . الطريقة : تجيبي نصف كوب نبات السعد المطحون وتضعي عليه لترين ماء وتضعيهم علي النار وسبيهم يغلوا لحد ما منسوب الماء يقل ويبقي مثلا لتر واحد بعدها طفي النار وسبيه يبرد ….جيبي برطمان زجاج مربي فيتراك مثلا يكون فاضي ونظيف وله غطاؤه ..بعد ميكون الخليط برد صبيه في البرطمان حتلاقية هلامي ولزج مثل الجيلي ……غطيه بغطاؤه وإحفظيه في الثلاجة حتي لا يفسد للإستخدام المتكرر ……..بعد الدورة الشهرية شلت الشعر من تحت بحلاوة خلوا بالكوا حلاوة مش شفره لأن الحلاوة إستخدامها المتكرر بيضعف نمو الشعر لكن براون سيلك أبيل والشفرات بتحفز نمو الشعر وبتطلع الشعراية خشنة وسميكة زي بتاعة الرجالة …المهم بعد ما أشيل الشعر أدخل أستحمي عادي وأطهر المكان بمسك الطهارة ولما أطلع أنشف جسمي وألبس عباية أنا مخصصاها للوصفات تكون نظيفة ألبسها من غير ملابس تحتها وملبسش أندر …أجيب جيل السعد إلي عملناه في البيت وأخد منه شويه بسيطة تكفي دهان المنطقة وأدهنها كويس وأجلس فاتحة رجلي وبعداهم عن بعض ومغطية نفسي من تحت عادي بالعباية بس رفعاها علي ركبي ..المهم مخليش العباية تلمس الدهان عشان متمسحهوش لحد ما ينشف الجيل تماما علي المنطقة أو ممكن تنشفيه بهواء السشوار بس يكون هواء بارد دا لو مش حتصبري عليه لحد ما ينشف لوحده …..وبعد ما ينشف علي جلدك إلبسي ملابسك عادي ونامي للصبح ……..يعني خلي الموضوع ده قبل نومك علي طول عشان جلدك يستفيد أطول فترة ممكنة …لكن لو دهنتيه وسط النهار كل شويه ممكن تدخلي الحمام وتتشطفي فيتمسح من علي جلدك ……فهمتوني ؟؟؟؟؟ لما تصحي من النوم الصبح إدخلي الحمام وإغسلي المكان بماء فاتر وأي غسول إنتي بتستخدميه وزي ما قولتلك بماء فاتر عشان المسام بتاعة جلدك تتفتح وتستقبل العلاج صح وتمتص إي دهان حتدهنيه ……ولما تطلعي نشفي المكان كويس وإدهنيه كريم السعد بتاع حراز ومارسي يومك عادي لما يجي الليل تدخلي الحمام تغسلي المكان بماء فاتر وغسول ولما تطلعي إدهني جيل السعد إلي في الثلاجة وكرري نفس الخطوات بتاعة الليلة السابقة لحد ما ينشف وإلبسي ونامي والصبح إدخلي الحمام ونفس الشئ إغسلي المكان ونشفيه كويس والمرة دي إدهني لوشن إبطاء نمو الشعر بتاع شركة أوريفليم ………يعني إلي ثابت بالليل مغلي السعد إلي عملناه في البيت أما الصباح يوم كريم السعد ويوم لوشن سيلك أند سموث بالتبادل …………..وده يوميا بلا إنقطاع لحد ما الشعر يطلع كله …وبعدين شليه بالحلاوة وكرري نفس الخطوات بتاعة المره الأولي …………..بعد أول مره لاحظت إن الشعر تأخر في ميعاد طلوعه المعتاد بأسبوع وفي المرة التانية من إستخدام الجدول الشعر إتأخر 10 أيام عن معاده ولقيت أماكن مطلعش فيها أصلا شعر ….والشهر الثالث الأماكن الفارغة من الشعر بقت كتيرة والشعر الموجود ضعيف وبطئ في نموه بشكل رهيب ………قسما بالله ده إلي حصل معايا وحبيت أنقلكم تجربتي من كتر فرحتي عشان كل البنات تستفيد …وناوية أستخدمها لحد ملقيش ولا شعرة في المنطقة ولا كل جسمي ….وخصوصا إني الحمد لله عندي صبر علي النتائج لحد سنة كاملة …يعني ممكن أصبر عشان ألاقي نتيجة خلطة لمدة سنة ….قسما بالله زي ما بقولكوا مش كدب ………وأنا بحاول أقوم بدور المصفاه لوصفات المنتديات بدال ما البنات يدوخوا من كتر البحث عن حل لمشاكلهم ويحتاروا بين الوصفة إلي غير موثوق فيها والوصفة المنقولة والغير مجربة ……..أنا بحاول أجيب لهم الخلاصة وعن تجربتي الشخصية ………والتجربة خير برهان ………….وأي إستفسار أنا حاضرة ……….وإنتظروا باقي وصفاتي ……..بحبكم
………………………………………….. …
ده الموضوع و زى ما شفتوا هى بتقول انه جاب نتيجة انا عن نفسى ناويه اجربه خلاص مش محتاجة فتاوى اكثر من كده و ربنا يسهل و اخلص من الشعر ده لانى بجد وصلت لمرحلة انى مش اتخنقت انا روحى بجد بقت فى مناخيرى خلاص هولع فى نفسى ما فيش عندى وقت انى اقعد7 ساعات كل شهر احلق و بعد اسبوع الاقى الزفت الشعر رجع تانى و يفضل يطول و يتقل لحد ما يطلع عينى …يعنى مش كلام ده مواضيع هذا القسم برعاية
كريستن ستيوارت كريستن ستيوارت 282625_3.gif فتكات هايلة Fatakat 282625 القاهرة – مصر