عايزه ارد علي الناس اللي بتقول
إن الرفع نعمه؟؟
فعلا الكلام ده صحيح جدا
بس مينفعش نبقي طخان اوي ومينفعش برده نبقي رفيعيين اوي الطخن ده بجد مصيبه ويؤدي لكل امراض الدنيا يعني انا مش عايزه اقولكم ان كل الامراض اللي انا درستها
تقريبا كده ،، الطخن بيبقي من الأسباب المؤديه ليها ولكن مش معني كده ان وزننا يكون في الارض كده والناس اللي بتقول نخليها علي ربنا ،، وربنا برده أمرنا إن احنا نحافظ علي صحتنا والناس الرفيعه أوي دي أكيد صحتها مش بتبقي كويسه وطاقتها مش بتساعدها انها تعمل حاجات كتيرولكن برده إحنا هنستعين بربنا إن شاء الله في الموضوع ده ولازم نعرف سبب الرفع ده ايه ،، والحاله الصحيه اخبارها ايه؟؟؟
وده من خلال بعض التحاليل
{ودي اهم خطوه}
هي صحيح ممكن تبقي مكلفه شويه
بس لو عايزين تمشوا صح يبقي لازم تعملوها
أنا هقول دلوقتي التحاليل اللي المفروض تعملوها
الهرمونات{TSH وFree T3 وFreeT4}
Fasting blood
glucoseserumcalciumhaematocrit,haemoglobin
تحليل براز
فصيله الدم وRH.
التحليل الاولاني ده لو طلعت فيه الهرمونات دي عاليه يبقي ده سبب الرفع ولازم ياخد ادويه تظبطها
مش بس علشان تتخن ولكن لان زيادتها مش كويسه كمان .
اما التحليل التاني ده علشان نشوف السكر نسبته ايه
لان ليه دور والمفروض لو مش طبيعي لازم يتظبط
اما تحليل البراز ده علشان نشوف فيه ديدان ولا ايه وانا من رايي ان الديدان دي السبب الشائع وليها دور في الرفع وعواقب بعض انواع الديدان مش كويسه
اما التحاليل رقم 3 و4 دول علشان
الناس الرفيعيين عاده بيكون عندهم نقص في الكالسيوم والحديد ولازم برضو يتظبطوا والانيميا ممكن تكون سبب برده
اما التحليل رقم 6 فعلشان لما نحل كل المشاكل اللي احنا قلنا عليها لازم نتبع نظام غذائي معين واللي بيختلف من فصيله دم للتانيه
** نييجي للمرحله اللي بعد كده
احنا خلاص ظبطنا كل الحاجات اللي احنا قلناعليها طيب يبقي فاضل اننا نعرف المفروض لازم نتخن اد ايه؟؟؟
فيه قانون كده هقولكو تحسبوا بيه الوزن الطبيعي ازاي مثلا فيه واحده قالت ان طولها 172 ووزنها 50
احنا الاول هنحول الطول للمتر
فهيبقي 1.72
وبعدين نضربه في نفسه
فهيساوي2.9584
وبعدين نجيب الوزن اللي هوا 50 ونقسمه علي الرقم الاخير ده
هيطلع كاااااااااااام
هيساوي 16.9
يعني حوالي 17
طب نعرف منين ان ال17 دي طبيعي ولا لأ ازاي
المفروض الرقم اللي هيطلعلنا لازم يبقي بين ال20 وال 24
علشان يكون الانسان ده في الرانج الطبيعي من الوزن
يعني ال17 دي مش في الطبيعي خالص
يبقي لازم نحاول في المعادله اللي فاتت
لحد ما اجيب وزن يدخل في الرانج ده انا حسبتها وطلعت لازم يكون
وزنها من{60 الي 71}
يعني لا تكون اقل من 60 فتبقي رفيعه
ولا تبقي اكتر من 71 فيبقي عندها وزن زائد
وده كله بعيد عن شكل الجسم
احنا عايزين الوزن الصحي والمثالي
***********************
الخطوه اللي بعد كده المفروض هتشمل نظام غذائي
وفواتح للشهيه ومكملات غذائيه وفيتامينات
اما فواتح الشهيه فاحسن حاجه
موسيجور وترايكتين وتريزوريكس
هناخد معلقتين كبار تريزوريكس قبل كل وجبه بساعه
وموسيجور قرص قبل الغداء بنص ساعه
وترايكتين قرص قبل الافطار والعشاء بنصف ساعه
وملحوظه هنا…اول يومين هنأخد فيهم
الفواتح دي هنلاقي جسمنا مدغدغ علي الاخر وهتلاقينا نايميين طول النهار والليل تقريبا بس ده في اول 2 الي 3 ايام من اخذ الدواء وبعدين جسمنا هياخد عليه عادي ومش هنحس بالحاجات دي خالص بس لو وقفنا الدواء ورجعنا اخدناه تاني هيحصل كد تاني اول يومين
اما المكملات فاحسنهم سوستاجين
أو جروث فورميلا وده هيتاخد منه
معلقتين كبار علي كوب حليب
مره الصبح ومره بالليل ومره بعد الغداء بساعه او ساعتين
مش بعد الغداء علي طول{ودي مهمه جداً}
ويا حبذا بقى ان احنا نشرب بعد وجبه الغداء
كوب عصير فيه فيتامين C
زي عصير {البرتقال او اليوسفي او الجوافه}
بس العصير ده بعد الغداء مباشره
علشان يزود امتصاص الحديد الموجود بالاكل
وبعدين مفيد علشان انفلونزا الخنازير برضه وطبعا بين كل وجبتين عايزاكوا تتوصوا برضه وفعلا كلوا وانتوا بتتفرجوا مثلا علي التلفزيون وكمان تاخدوا في المعلقه كميات كبيره
اما الفيتامينات ففي حاجات كتير أفضلهم
كيروفيت وده كبسوله بعد الفطار
انا عارفه اني صدعتكم بس انتوا اللي عايزين تتخنوا مليش دعوه بقى،، بس الاهم يا جماعه
الاستمراريه في النظام لحد ما المواضيع تتظبط
يعني من الاخرعايزين إراده يارب اكون افدتكم
سكندرية شطورة سكندرية شطورة 245543_2.gif فتكات حبوبة Fatakat 245543 الإسكندرية – مصر