على احلى فتوكاااااااااااااااااات
من فترة كده كان عندى ستيك لحم فى الثلاجة
والمفروض انى اشويها او احمرها واقدمها مع صوص المشروم
زى الطريقة اللى فى اللينك ده
ستيك..ستيك..ستيك اللى بيحب الستيك مع التوست والجاكيت بوتاتو يجى يتفرج ..قصدى يجى يدوق
https://fatakat.univanet.com/#1120917
بس بصراحة ما كانش لى مزاج خالص
فقررت انى اقطعها شرايح
واعملها بطريقة قريبة من طريقة الستروجانوف
بس باختراعاتى
ودى صورة الطبق
ايه رايكم…؟
طريقة سهلة وطلع طعمه تحفففففففففففففففففة
ياللا نبدا بسم الله
المكونات
ستيك لحم مغسول ومتقطع شرايح
بصلة متقطعة صغير اوى
فصين ثوم مفرومين
كوب شوربة وممكن مياه
مشروم مقطع
( ممكن الإستغناء عن المشروم ها تبقى حلوة برضه إن شاء الله)
فلفلة خضراء متقطعة شرايح
حبهان ومستكة وورق لورا
ملح وفلفل
نصف معلقة صغيرة صويا صوص
معلقتين كبار زيت
بقدونس للتزيين
الطريقة
1- جبت طاسة كبيرة وسخنتها وحطيت معلقتين الزيت والحبهان والمستكة
2- شوحت البصل وبعدين حطيت الثوم المفروم
3- ضفت شرايح الستيك وقلبت كويس وبدات اللحمة تنزل ميتها
وحطيت ورقة لورا والصويا صوص
4- لما بدات مياه اللحمة تنشف حطيت المشروم وقلبته معها
وبعدين حطيت الشوربة شوية شوية وبغطى الطاسة
كل ما المياه تقل اكمل من كوباية الشوربة واقلب
5- وفى الآخر حطيت شرايح الفلفل الأخضر وقلبت وسبتها شوية مع الملح والفلفل
تكمل سواها وغطيت الطاسة
بجد الريحة كانت روووووووووووووووووووووووعة
والصوص بتاعها جميل اوى
ودى صورتها فى الطبق بعد ما استوت
ودى صورة كمان
مرة قدمتها مع ارز وسلطة
ومرة عملتها ساندوتشات كانت تحففففففففففففففففففففففففة بجد
وممكن تقدموها مع مكرونة ها تبقى روعة
وكمان للى مش خايف يتخن
ممكن بعد ما تستوى تزودوا كريمة ها تبقى حلوة جدا زى الستروجانوف
اتمنى تكون الوصفة سهلة وعجبتكم
وما تنسونيش من دعواتكم
واشوفكم على خير إن شاء الله فى وصفة جديدة مواضيع هذا القسم برعاية
ام كروان ام كروان 124965_2.gif فتكات ست الكل Fatakat 124965 المطبخ – المنزل