حاسة انك ضعيفة ؟؟ وحيدة ، الدنيا مووحشة جداً ؟؟؟
يا حبيبتي في الله ، ربنا اللي خلقني وخلقك وخلق اسمك في الوجود ، أرحم بكِ من نفسك ،
تخيلي لما ربنا يطلع عليكي ويرى ضعفك يرى مرضك يرى وحدتك …. ربنا هيرحمك هيجبرك هيخفف عنك
عشان كدا ربنا عاوزك تقربي منه عشان هوا بيحبك ، مش هترتاحي بحاجة عشان ربنا عاوز يقودك للسجادة
عشان هو اللي عارف اللي جواكي هو اللي عارف ايه اللي هيريحك ويطمنك ويرجعك سعيدة تاني ،،،
لانه هو سبحانه كتب على نفسه الرحمة ، هو ارحم الراحمين ، هو اكرم الاكرمين ، هو اللطيف المجيب القريب السميع البصير سبحاااااان الله
احنا هربنا من مواجعنا لكل مكان مسبناش حاجة الا وعملناها ونسينا الله !!!! (
عشان كدا استجيبي لدعوات الحياة ، عارفة يعني ايه دعوات الحياة ؟؟؟
يعني كل حاجة في الدنيا دي بتحلصنا ، بتبقى زي حاجة بتزقنا لله ، بتدفعنا نقرب لطريق النجاة ، اي حاجة في الدنيا كدا ، نعمة او ابتلاء او غيره ، بدليل حديث الرسول عليه الصلاة والسلام :
قال رسول الله صلى الله عليه وسلم: (عجبا لأمر المؤمن إن أمره كله خير وليس ذاك لأحد إلا للمؤمن ، إن أصابته سراء شكر فكان خيرا له وإن أصابته ضراء صبر فكان خيرا له)
وقال رسول الله صلى الله عليه وسلم( ما يصيب المؤمن من نصب ولا وصب ولا هم ولا حزن ولا أذى ولا غم حتى الشوكة يشاكها الا كفر الله بها من خطاياه )
و كان أحد السلف أقرع الرأس.. أبرص البدن.. أعمى العينين.. مشلول القدمين واليدين .. وكان يقول: "الحمد لله الذي عافاني مما ابتلى به كثيراً ممن خلق، وفضلني تفضيلاً". فمر به رجل فقال له: مما عافاك؟؟ أعمى وأبرص وأقرع ومشلول..فمما عافاك؟
فقال: ويحك يا رجل؛ جعل لي لساناً ذاكراً، وقلباً شاكراً، وبدناً على البلاء صابراً، اللهم ما أصبح بي من نعمه أو بأحد من خلقك فمنك وحدك لا شريك لك، فلك الحمد ولك الشكـر.
فسبحان مهما اصابك من وجع وجروح ومآسي باب ربنا مفتوح (افتكري كدا كويس وكل ما تتعبي وتتضايقي ، تذكري الجملة دي باب ربنا مفتوووح ، عيديها وكرريها ، )
قودي نفسك لاحسان الظن بالله والثقة بالله ، لانك لما قلبك يستحضر ان ربنا معاه هتحسي انك خلاص مش محتاجة اي حاجة كنتي متضايقة عشان فقداها او مش تعبك اي حاجة في حياتك ، انتي هتحسي انك سبتي الدنيا كلها ورا ظهرك وبقيتي مش بتفكري غير في الجنة ورؤية وجه الله ،،
عارفة بقى الراحة الجميلة دي هتجيلك لو كانت مصايب الدنيا كلها عندك ،،
عارفة ازاي ؟؟؟
بالصلاة وبالصبر ، قومي اتوضي حبّي الوضوء ، والبسي لبس الصلاة الجميل الطاهر وتعطري ، وابدئي وكبري (( الله اكبر )) ، واتركي عقلك وقلبك يخشع بين يدي الله وانت تقرئين الايات
بس الشيطان !!!! هيخليكي تستصعبي تقومي تعملي كدا ، هيسهل عليكي اكتر انك تقعدي مكانك تندبي حظك ، وخلاص ، واحژاانك تزيد ووجعك يزيد ، طبعا ما هو دا هدف الشيطان ، ان يحزن بني ادم ،،، انتي بقى استعيني بالله واستعيذي بالله من الشيطان ، وقومي وقوّي نفسك واصبري على هوى نفسك وجاهدي ، وعيشي دقائق طويلة جميلة ستمر كالنسمة وانتِ في محراب الصلاة
وادعي للمسلمين دعوة حلوة من قلبك
سلسبيل وجنان سلسبيل وجنان 645566_5.gif فتكات متميزة Fatakat 645566 شقتنا – ام الدنيا