السلام عليكم و رحمة الله و بركاتة
طبعا كلنا هنا فى القسم ده يبقى عايزين نخس
و كلنا تعبنا من شكلنا و نفسنا نتغير
نغير شكل جسمنا و طريقة لبسنا
نغير طريقة اكلنا عشان نبقى خفاف و بصحة كويسة
اكيد معظمنا جرب ريجيمات كتيييييير
و منهم انا اولكم
بس بصراحة اكتر ريجيم جاب معاية نتيجة
هو انى اكل كل حاجة من اكل البيت و مفيش نشويات غير يومين فى الاسبوع
وهو ده الريجيم اللى قلت امشى معاكم عليه
يعنى ايه
يعنى يا قمرات هتكلى اى حاجة انتى عايزها باى طريقة مطبوخ بيها باى كمية
بس هتشيلى الارز و المكرونة و العيش و البطاطس و الحلويات طبعا
و اليومين اللى فيهم نشويات
بيقى بكميات محدودة يعنى لو ارز او مكرونة يبقى 4-6 ملاعق
و العيش نص رغيف او رغيف سن او 2 توست
البطاطس و هى افضل نوع نشويات فى الريجيم ده لان سعراتها اقل هتبقى بطاطسية مسلوقة او مشوية
يعنى ميش هتزهقى انك فى ورقة ماشية عليها و لما تتعزمى تقولى معليش عمله ريجيم او تتطرى تلغبطى لالالالالالالالالالالالالالالالالالالالالالالالالا خالص كلى براحتك و باى كمية يا ستى
و كمان هتخسى بطرقة ملحوظة
و من اول اسبوع
شروط الجروب
1- كتابة بيانات كملة قبل الاشتراك " بس بالله عليكم اللى بجد جده و ناوية تكمل"
2- الدخول يوميا لكتابة التقرير اليومى
3- شرب الماء لا يقل عن 10 اكواب
4- فى يوم مفتوح كل اسبوع بتكلى فى اى حاجة عايزها بس برضة ميش لدرجة اننا نوصل نفسنا ميش قدرين نتنفس .. و هو ده يبقى يوم الميزان
5- توزنى قبل الفطار فى اليوم المفتوح و كتابة الوزن الجديد
عشان هيبقى فى فايزة بلقب رشيقة الاسبوع
لو فى اى سؤال انا تحت امركم
يالا نبدا مع بعض بجد عشان ندخل رمضان مختلفين ان شاء الله
بياناتى
1- الاسم: توتى
2-السن:30
3-الطول:161
الوزن الحالى: 74
الهدف الاول: 70
الهدف التانى : 67
الهدف الاخير : 64
توتى تتمنى حب ربها توتى تتمنى حب ربها 662526_1.gif فتكات هايلة Fatakat 662526 القاهرة – مصر