ازيكم يا فتوكات
النهاردة عاوزة اقولكم على معلومة يمكن تكونوا عارفينها بس برضه حبيت افيدكم
انا بعد الولادة كان دايما عندى افرازات مهبلية كتيرة كدة
وكل شوية كنت عند الدكتورة بكشف بسببها وكانت تقولى دى التهابات
مع انى نضيفة الحمد لله بس مش عارفة كان فيه ايه ساعتها
المهم قلت لااااااااااااا هو انا هفضل كل شوية رايحة جاية عليها مينفعش كدة
فمرة بقولها انا عاوزة اتجنب خااااااااالص ان يجيلى الالتهابات دى
لانى بصراحة زهقت
فقالتلى ايه بقىىىىىىىىى
قالتلى كل شهر بعد ما البيريود تخلص هاتى علبة لبوس مهبلى من الصيدلية واستعمليها كل مرة لبوسة قبل النوم
ولااااااااااازم كل شهر تغيرى نوع اللبوس علشان الفطريات اللى بتسبب الالتهابات
لو كررتى كل شهر نفس النوع مش هياثر فيها
فلازم كل شهر نوع مختلف
وهبقى اقولكم على اسامى اللبوس اللى انا بستعملهم بس فى اخر الموضوع ان شاء الله
تانى حاجة بالنسبة للغسول المهبلى
استعملى النوع اللى تحبيه بس قالتلى على طريقة اول مرة اعرفها بس جابت نتيجة هايلة بصراحة
بصى ياستى
هاتى كوباية مية دافية وحطى عليها 2 غطا من الغسول المهبلى بتاعك وحركيهم
وهاتى قطن قطعيه حتت صغيرة وحطى القطنة فى الغسول اللى خففتيه
وبعدين حطى القطنة فى فتحة المهبل وطلعيها ارميها (اسفة بس لازم اوضحلكم)
وبعد ماتطلعيها ارميها ماتستعمليهاش تانى
حتة القطن تستعمليها مرررررة واااااااحدة بسسسسسسس
وهكذا لحد ما المحلول يخلص
وبس كدة
والطريقة دى كل شهر بعد انتهاء البيريود اللبوس مع الغسول
وعلى فكرة ممكن تستغنى عن الغسول
بس انا محبيتش اخبى عنكم معلومة
اما بقى انواع اللبوس اللى انا بستعمله
كل شهر نوع
1- جينوكونازول : 3 لبوسات ب 23 جنيه
2- مونيكيور بلس : 7 لبوسات ب 3,5 جنيه
3- جينوزول : 3 لبوسات ب 8 جنيه ( ودة احسنهم بالنسبة لى )
يلا بالاسعار كمان
اى خدمة
اما الغسول ففيه كذا نوع بس مش فاكرة اسعارهم
1- مالفا
2- بيتاروز
3- ريفارست
4- جولد
انا كدة خلصت
يارب اكون افدتكم
والله الموضوع مش منقول وحصرى بس لفتكات ودة كلام الدكتورة بتاعتى
ماتنسوش الردود والتقيييييييييم
بحبكم فى الله
ملحوظة قلبوظة
على فكرة المشرفة( الحب الاول ) ربنا يجازيها خير نبهتنى ان الموضوع دة مينفعش للبنات
ف انا قلت احطلكم تنبيهها دة فى اول صفحة
لانى بصراحة مجاش فى دماغى الكلام دة وانا بكتب الموضوع
وياريت تدعولى ربنا يوسع رزقى انا وجوزىويسخره ليا
ويباركلى فى ابنى ويجعله ذرية صالحة
مشاركة هامة
#289
ام الباشا عمرو ام الباشا عمرو 185140_5.gif فتكات ست الكل Fatakat 185140 مع ابنى وجوزى حبايبى ربنا يخليهوملى يارب – القاهرة