السلام عليكم ورحمة الله وبركاته
رديتي السلام ؟
طيب
من غييير رغى كتيييير … علشان انا بحب اختصر اوى اوى فى كلامى ومبحبش الرغى اللى ملوش اى تلاتين لازمة
انا جبت الطاسة الجريل اللى بتتحط على البوتجاز
دى صورة من النت ليها ( بس صورة الشيش طاووق بتاعتى هههه )
هى مش نفسها تيبيكال
بس علشان تبقى شواية لازم تبقى تقيييلة وتخينة … غير كدة هتبقى طاسة عادية
المهم
انا كنت سمعت انها مش بتسوى الاكل والناس بتجيبها بس علشان تعمل خطوط الشوى
يافرحتى ههههه
فعرفت ان التقييييلة والتخينة بتسوى الاكل على النار عادى
المهم من غير رغى كتير علشان اللى بيرغى ده بيغلط كتير
جربتها فى الشيش طاووق
جبت خلطة الشيش طاووق الجاهزة لانى ست بيت ممتازة وعملته عليها
استوى فى ربع ساعة … وعملته مرة كمان نسيته شوية وسبته تلت ساعة .. والفراخ مستوية عادى وطعمه جميل
وصورتلكو الشيش طاووق اهو علشان الصورة خير دليل
وطريقة استعمالها
بسخنها على النار 10 دقايق فاضية على نار عالية
بعدها بحط الشيش طاووق هو اللى مدهون زيت مش الطاسة .. واهدى النار .. مش اوى طبعا .. انا بس بهديها علشان متتحرقش وتستوى
يلا ادعولى بقى
كل واحدة هتدعيلي الملايكة هتقولها ولكى مثلما قلتى … ادعى بذمة بقى ههههه
فى امان الله 
مواضيع هذا القسم برعاية
fattoka gmila fattoka gmila 619808_3.gif سوبر فتكات Fatakat 619808 مصر – مصر