ازيكم يا فتوكات ولاول مره فى جمهوريه مصر العالميه
الــــــــــــــــــــــــسينابون الحادق
ينفع لاولادنا فى المدارس وينفع للفطار الصبح خد واحده واجرى ههههههههههههه
يلا من غير رغى كتير ندخل على الصور والمقادير
000000000000000000000000
اول حاجه ندخل على المقادير
الحشو الحادق (اى حاجه عندك فى التلاجه ههههههههههه انا مثلا حتيط جبنه رومى على زيتون مخلى ومقطعاه كمان وجبنه قديمه وبسطرمه )
نخلى بالنا ان المقادير على مرحلتين ودى طريقه السكره سقيعه
ودى الطريقه اللى دايما بعملها شكرا للعضوه سقيعه
2 كوب دقيق
2كوب ماء دافئ
4معالق كبيره سكر
معلقه صغيره ملح
2معلقه خميره فوريه كبيره
2معلقه لبن بودره كبيره
هنحط كل المقادير الجافه مع بعض ونقلب وبعدين نحط الماء الدافئ
وما تخافيش لو لقيتيها سايبه عادى هنحطها على جنب تخمر وتعلى
خلاص عليت ماشى هنحط عليهم المقادير دى (3 كوب دقيق +نصف كوب زيت )
ونعجن تانى تانى تانى لحد ما تتماسك وتكون عجينه اموره وحلوه بالشكل ده
خلاص يلا نشمر ونفرد العجينه زى كده
فردنا العجينه الحمد لله نستريح بأه ههههههههه لا يالا نحط الحشو الحادق
فردنا الحشو على العجينه ووزعناها تمام اوك
يالا نلف العجينه بالراحه
نسيت اقولكم انى دهنت الوش بعد ما لفيتها بالخلطه بتاعتى
اللى هى (معلقه قشطه كبيره +2 بيضه )
وبعد كده نشكلها بالقلم زى كده والايدين الحلوه دى بتاعت ابنى سيف الدين
كان بيساعدنى
اهه شكلها بيبقى عامل زى الفراشه
ونرش على الوش جبنه رومى وزيتون مقطع ونرص فى الصنيه وعلى طول على الفرن
وبعد كده اه انا الظاهر اندمجت خلاص مافيش بعد كده غير النهايه
طبق كبير لكل فتوكات المدونة
يارب اكون اضفت ليكم اى حاجه وجربوها هتحبوها اوى
وانا كنت عملاها سندوتشات بدل ما كل يوم اصحى واجرى اعمل سندوتشات
وبفطر بيها فى الخباثه مع كبايه الشاى تحفه
مواضيع هذا القسم برعاية
سحر حاتم سحر حاتم 189019_5.gif فتكات هايلة Fatakat 189019 الطور – مصر