السلام عليكن ورحمة الله و بركاته
كيف القمرات ان شاء الله باحسن حال يارب
طبعا كلنا منعرف قناة الخنزيرة عفوا قصدي الجزيرة ومنعرف انو لما بصير شي
حدث بخلي الناس تنتف بعضها بتجيبو خبر عاجل على طول
ممممممممممم شو المغزى من هالحكي المغزى ياحلوة انو الي بدي اكمشها داخلة عالموضوع وطلعت بلا رد بدي جيبها خبر عاجل عالجزيرة فيا فتوكتي الظريفة خليكي لذيذة كتبي رد يا امورة وبعد هالاكلة جوزك رح يخليكي غندورة
والان دقت ساعة العمل
منجي عالمقادير و بتعمل حوالي 15 قطعة
منحتاج الى ورق سبرينغ رول وهي صورتو و اذا مافي ممكن تستعملي الجلاش
مقادير الحشو وطريقته منحط زيت عالنار منحط حوالي 600 غ لحمة مقطعة راس
عصفور منقلب لحد ماتحمر منيح منضيف حوالي نص كيلو بازيلا وشي نص كاسة مي
ومنتركهن يغلو لحد ماتنشف المي منضيف 3 كوب رز مصري قصير الحبة ومنقلب
ومنحط 6 اكوب ماء بس تغلى المي و تصير بنصها منحط ملعقة صغيرة من كل من بهار
مشكل + كمون مطحون + زنجبيل بودرة ومنضيف ملح حسب الرغبة ومنقلب
ومنتركهن يستوو بهدوء
بس يكمل السوا منترك الحشو يبرد ومنضيف عليه حوالي 200 غ لوز مقطع شرائح
ومحمص بالزيت ومنقلب كتير منيح وهاد شكل الحشو
منجيب ورق السبرينغ رول وهاد شكله
ومنجيب زبدية صغيرة او متوسطة و منحط الورقة متل الشكل بالصورة
منحط حوالي 4 ملعقة كبيرة من الحشو
ومنقفل بهالشكل
ومنقلب الزبدية
وهاد الشكل الي منحصل عليه
هون صفيت الاوزي بصينية مدهونة و مندهن وش الاوزي بالزيت ومندخلها عفرن
حامي
وهون لما صفيتها للتقديم
يافتوكة انا هلكت بالموضوع فياريت تقدري تعبي بدعوة حلوة واذا تكرمتي بتقييم
فبتكوني فضلتي
وبالنهاية بحبكن كلكن سواء رديتو او مارديتو بس ليش الكذب الي بردوا بحبن اكتر
بحفظ الله و رعايته مواضيع هذا القسم برعاية
سارة84 سارة84 212248_1.gif فتكات ست الكل Fatakat 212248 اللاذقية – سوريا ياحبيبتي