يا بنات إبنى حبيبي يحيي (4 شهور) هيعمل عملية قلب الشهر الجاى إن شاءالله و فيه مكانين مقترحين للعملية، القصر العينى الفرنساوى أو دار الشفاء بحلوان وأنا محتارة و مش عارفة أنهى فيهم أفضل من ناحية الرعاية الطبية و النضافة خصوصا في العناية المركزة و مدى كفاءة هيئة التمريض خصوصا إنه حبيبي لسة صغير جدا و مش هيعرف يعبر عن ألمه أو أى حاجة هيحتاجها وطبيعى هيبقى محتاج رعاية و عناية خاصة جدا بعد جراحة حساسة كده.
يا ريت اللى عندها فكرة عن المكانين دول أو ليها تجربة أو حد من قرايبها مع مكان فيهم تقوللى و تنصحنى جزاكم الله كل خير
واللى ما تعرفش عنهم حاجة أمانة ما تخرجش من الموضوع قبل ما تدعى لإبنى إن ربنا يشفيه و يقومه بألف سلامة هو و جميع مرضانا اللهم آمين.
Smile2016 Smile2016 سوبر فتكات Fatakat 440596 6 أكتوبر – مصر