السلام عليكم
انا جبتلكوا يا بنات اسعار الكوافيرات فى الزقازيق
طبعا مش كلهم بس اللى انا كنت قريبة منهم وسألت عندهم لانى كنت نازلة بالصدفة قلت
أسأل عشانكوا والله
اولا سهيله
الاساسى : مكياج + لفة طرحة + باديكير + مانكير + تركيب أظافر + مساكات للشعر والبشرة
+ طرحة +اكسسوارات
دة كلة بــ 1300 وطبعا أنا استغربت هى كانت أرخص من كدة .. ما علينا
لو انتى حابه تلغى حاجة منهم براحتك بس برضه السعر ثابت اللى هو الاساسى يعنى
الاضافات بقى لو انتى حابة تضيفى حاجة كل حاجة وليها سعرها بقى ودى بقى مش سالت عنهم
فرد الشعر , عدسات , سويت , حمام مغربى , صبغة +لايت , رسم حنة , يوم الحنة
ثانيا كوافير جولى
فى نفس الشارع بقى فى كوافير تانى كانت فتوكه هنا قالت انه حلو بس انا مش عارفه أول مرة أدخله
اسمه جولى ناسية اسمه صاحب المحل ومراته لانها بتشتغل معاه
مش عارفه بقى هو دة اللى انفصل عنهم حمادة الصغير اللى الفتوكه كانت بتشكر فيه ولا مش هو
قالى الاساسى عنده بــ 1200
ثالثا كوافير لمسات
عامل عرض حلو قوى لحد يوم 1_6
الزفاف طبعا الاساسى عنده بــــ 1000 بـــــــــــس
انما بعد يوم 1_6 هيبقى الاساسى عنده بـــ 1200
وانتى اى اضافات بتتحملى تمنها طبعا
عشان يعنى بدايه الصيف ودة الموسم بتاعهم وكدة
بس كدة هم دول اللى قدرت اجيب اسعارهم وطبعا لو عرفت اسعار اى كوافير هاجى اقولكوا
pink8 pink8 فتكات نشيطة Fatakat 628524 القاهرة – مصر