السلام عليكم ورحمة الله وبركاته
كنت في يوم زهقانة ومش عارفة أعمل أكل إيه وغير كده مكنش عندي وقت فرحت مطلعة صدور فراخ وعملت بيها الوصفة دي وطلعت خطيرة جدا وأصبحت مفضلة عندي أرجوا إنها تنال إعجابكم .
يلا نبدأ الطريقة :
أول حاجة حنجيب صدر دجاج مخلي
ونغسله كويس وبعدين نقطعه شرائح رفيعة جدا وممكن تشتريه متقطع جاهز
ودا بعد تقطيعه
بعد كده نجيب علبة ونضع فيها الشرائح ونجيب ملح وفلفل وبهارات ممكن تتبليه بالبهارات اللي تعجبك
بعد التتبيل نجيب ملعقتين دقيق ونضعهم فوق الفراخ المتبلة ونغلق العلبة ونرجها كويس لغاية ما يمتزج الدقيق كويس بالفراخ ويبقى شكله كده
بعدين نجيب طاسة ونضع فيها ملعقة صغيرة زبدة ونبدأ بشواء الفراخ فيها
نفضل نقلب فيها لغاية ما تستوي ونحس إن قلبها استوى علشان كده ياريت نقطعها رفيعة علشان تستوي بسرعة
واحنا سيبنها على النار نجيب ليمونة كبيرة من الليمون الكبير ونعصرها وناخد كمان القلب بتاعها وأول ما يستوي الدجاج نشيله من الطاسة ونضع فيها قطعة زبدة صغيرة جدا
ونكون محضرين عصير الليمونة ونضعه فوق قطعة الزبدة
نسيبه شوية لغاية ما نحس إنه تقل شوية بس نخلي بالنا علشان ميتحرقش
بعد كده نجيب قطع الدجاج إللي شيلناها ونضعها على الليمون ونتركهم شوية لغاية ما الدجاج يتشرب الليمون وأول ما نلاقيه تشربه كويس نجيب كوب شوربة فراخ لو موجود عندك شوربة او ممكن كوب ماء عليه مرقة دجاج ونضعه على الدجاج ونتركة لمدة خمس دقائق على النار
ودي صورته بعد ما استوى وممكن تقدميه مع الأرز الأبيض وأي نوع خضار وبالهنا والشفا .
والطبق دا لأول حد يرد عليا ومتأسفة على الإطالة .
مواضيع هذا القسم برعاية
الأندلس الأندلس 66697_1.gif فتكات متميزة Fatakat 66697 الشارقة – الإمارات