السلام عليكم يا احلى قمرات…….
النهاردة جيبالكم طريقة الفراخ الكنتاكى (الفراخ المقرمشة)للشيف نبيل الشرقاوى عشان كتير سأل عليها واللى تعملها متنساش تدينى حته كبيييييييييييييييرة خالص…
يلا بسم الله..
المقادير..
******
فرخة كاملة مقطعة 8 قطع
2 معلقة خل كبيرة
تتبيلة الفراخ:
********
هريسة الشطة (بتتباع فى السوبر ماركت وممكن تستبدل ب"كاتشب + صلصة + شطة)
م.ص ملح
م.ص فلفل اسود
تتبيلة الدقيق:
********
1 ك دقيق
م.ص بودرة ثوم
م.ص بودرة بصل
م.ص ملح
م.ص فلفل أسود
م.ص زعتر مطحون
م.ص ورق لورى مطحون
م.ص بيكنج بودر
الطريقة:
******
تجيبى الفراخ وتضيفى عليها ( الخل+الملح والفلفل الاسود+هريسة الشطة)
وتسيبيها 3 ساعات فى التتبيلة فى التلاجة
وبعدين نجيب الدقيق ونضيف علية التتبيلة الخاصة بيه اللى كاتباها فوق وتخلطيها معاه كويس بأديكى
وبعدين تجيبى الميه الساقعة تحطى فيها الفراخ وتنزليها فى الدقيق وبعدين تطلعيها من الدقيق تحطيها تانى فى الميه الساقعة وبعدها الدقيق تانى عشان يغطيعا الدقيق وتتبل كويس
وتجيبى حلة تحطى فيها زيت وتسيبيه يغلى كويس وتقلى فيه الفراخ بعد ماتتبليها من 12 الى 15 دقيقة لحد ماتكتسب اللون الذهبى وتكون الفراخ استوت كويس (ممكن تختبريها بالشوكة او السكينة)
وبالهنا والشفا
ومتنسوش الحتة بتاعتى والتقييم ورأيكم طبعا مواضيع هذا القسم برعاية
زهورة الأمورة زهورة الأمورة 425973_4.gif فتكات رائعة Fatakat 425973 محافظة قنا – مصر