معجنات للمدارس بدل السندوتشات بالصور مين عايز واحده 2024.

ا[b][size="4"][size="3"]مبارح كان اول يوم مدارس لاولادي وطلبو مني اعملهم فطاير ياخدوها المدرسه بدل السندوتشات والحقيقه انا مش اول مره اعملها بس عجبتهم هما واصحابهم واتنسفت وبنتي الكبيره كانت فخوره بيا جدا وده اللي خلاني انزلها هنا يمكن حد يحب يجربها
المقادير:
انا باحب اعمل كميات صغيره
1- 3 كوب دقيق
2- 1/3 كوب زيت
3- 1 معلقه كبيره خميره فوريه
4- 1/2 معلقه صغيره بيكنج بودر(اختياري)
5- رشة ملح
6- معلقة سكر
7- كوب زبادي او لبن رايب وممكن استبداله بكوب لبن دافي
بس لو استعملتنا الزبادي ممكن نحتاج شوية ميه صغيره حسب العجينه
الطريقه:
نضع جميع المقادير الجافه على بعض انا باحطها قي العجان الحقيقه وبعدين نضيف الزيت شويه شويه يعني نفركه مع الدقيق وبعد كده نعجنه باللبن او الزبادي او حته الميه زي ما تحبو بعد كده نغطي العجينه ونسيبها تخمر لحد ما تبقى بالشكل ده

الحشوة:انا عملت 3 حشوات الاولى : عباره عن لحمه مفرومه معصجه وضيفت عليها شوية بقدونس مفروم
والثانيه : عجوة مفومه مضاف ليها حتة سمنه او زبده وسمسم وشويه قرفه ناعمه
والثالثه : جبنة بيضا مقطعه عليها فلفل رومي وزيتون اسود ومعلقة زيت زيتون وممكن نضيف لها زيتون اخضر او نعناع حسب الرغبه ودي صوره للحشوات

ببعد ما العجينه تخمر نبدأ في تشكيلها وحشوها انا فردت العجينه وقطعتها دواير ودي حشيتها لحمه مفرومه وقفلت كل دايرتين فوق بعض طبعا لوقتهم بالبيض المخفوق مع معلقة ميه ونقشتهم بمنقاش الكحك بالشكل ده وياسمين بنتي ساعدتني فيهم

اما اللي بالعجوه ففردتها بشكل مستطيل شويه وفردت فيها العجوه وبعدين لفتها على شكل اسطوانه وبعدين قفلت الاسطوانه زي الدايره وقطعت حروفها بالسكينه زي اللي بنشتريها جاهزه وده شكلها

ومعاها في نفس الصينيه اللي بالجبنه ودي عملتها بشكلين شكل الكروسان وده باننا نفردها دايره ونقطع الدايره عل شكلل مثلثات وبعدين نحط الحشوه في قاعدة المثلث ونلفه والشكل التاني عامل زي الدوده شويه بنعملها بالشكل ده

وده الشكلين بالجبنه

دلوقتي خلصنا ندهن وش الفطاير بالبيض ونرشها سمسم او حبة البركه وندخلها الفرن وبالهنا والشفا مستنيه ردودكم واكيد التقييم وده شكلها النهائي

ودي صورة تانيه بسم الله
مواضيع هذا القسم برعاية

ام علي 2024 ام علي 2024 142181_1.gif فتكات هايلة Fatakat 142181 القصيم – السعوديه

سبحان الله و بحمده