السلام عليكم
أنا حامل يابنات فى الشهر الثامن دلوقتى والحموضة عندى بدات من أول الشهر الاول وكنت بموت منها لدرجة انى بعيط ووشى بيجيب الوان وبرجع كمان
فطبعا جربت كل حاجة فهقولكوا على تجاربى كلها عشان تستفادوا:
الحاجات دى كلها حلوة للحموضة بس مراحل يعنى فى الاول ممكن تأثر بس بعد كده تأثيرها بيقل فكنت بجرب حاجات تانية
الاول:اللبن والخيار واللبن لازم يكون ساقع.
الثانى: خس الكابوتشى بس تاكلى منه كمية مش ورقتين وخلاص.
الثالث: فى حبوب استحلاب اسمها الوكال بلس حلوة فعلا بعد الاكل والعلبة ب2 ونص.
الرابع: عارفين علبة الايس كريم الكبيرة ام 10 جنيه تجيبيها وتحطيها فى الفرييزر وكل ما تحسى
بالحموضة تاكلى منها شويه.
الخامس: وده بقه أدمنته لانه اقوى حاجة فرقت معايا لغايت دلوقتى التفاح الاخضر بس
لازم تقشرى القشرة بتاعته ومتكونيش واكله قبله اى حاجة فيها كالسيوم عشان تستفيدى
من الحديد اللى فيه وكمان التفاح بيزود نسبة ذكاء الطفل وتاكلى مش اقل من ثمرتين
انا لازم كل يوم اكل منه قبل ما انام.
ونصيحة ابعدى خالص عن اى مشروبات سخنة بتزود الحموضة واوعى تاكلى وتنامى على طول استنى بتاع ساعتين كده ولما تنامى نامى على مخدتين تلاتة
عشان ميحصلكيش ارتجاع فى المرىء وخلى جنبك وانتى نايمة لبن او مية
بالله عليكم اللى تقرا تدعيلى بتسهيل الولادة وتقيم الموضوع عشان الكل يستفيد لأنه بجد موضوع صعب اوى على كل الحوامل
انامل البنفسج انامل البنفسج فتكات هايلة Fatakat 158887 الجيزة – مصر