النهاردةغدايا كان منابير وفرخة محشية فريك عجبتنى جدا وعجبت جوزى فقلت لازم افرجها لفتوكاتى حبايبى هى بسيطة ومافيهاش ابتكار ولا حاجة بس قلت برضو لازم اوريهالكم يمكن تستفاد اى فتوكة صغيرة حديثة عهد بالمطبخ ههههه جبت منابير ونضفتها وقلبتها وغسلتها بالملح والدقيق ورجعت قلبتها تانى وحضرت الحشو وهو عبارة عن بقدونس وشبت وكسبرة وبصل مبشور
وطماطم مبشورة وقرن فلفل اخضر ورز مغسول ونقلبهم كلهم ونحط عليهم حبة زيت وملح وفلفل اسود وكمون وشطة وده شكل الخلطة وبعدين نجيب المنابير ونحشيها عادى وانا كنت شفت فتوكة هنا بتقول انها بتحشيه بازازة البيبسى البلاستيك وفعلا الطريقة دى سهلتلى الحشو جدا وبعد كدة باسلقه عادى فى مية وملح وكمون وشطة وفلفل اسود بعد ما انغزه بابرة علشان ما يفرقعش وبعد لما يستوى اطلعه وانشله فى مصفاة وبعد كدة احمره وده شكله النهائى اما الفراخ انا باجيب الفرخة وباغسلها كويس بالملح من جوة وبالدقيق واشطفها وانقى الفريك واحطه فى مية واديله غلوتين على النار وبعدين احط عليه معلقة سمنة واقلبه تقلبتين واحط عليه ملح وفلفل اسود واحشى بيه الفرخة وبعدين اقفلها كويس واسلقها فى مية وملح وبصلاية وفلفل اسود وحبهان ولما تستوى انشلها واحمرها فى الفرن وده الشكل النهائى اتفضلو معانا وبعد الاكل عملت مهلبية قمر الدين
الطريقة نقعت لفتين قمر الدين وضربتهم فى الخلاط وحطيتهم على النار ودوبت باكو نشا فى شوية مية صغنتتين وحطيتهم على الخليط السابق وحطيت السكر وقعدت اقلب لغاية ما تقل وبقى قوامه كريمى وقفلت عليه وغرفته فى الاطباق والكوبايات https://files2.fatakat.com/2016/2/13296855009913.jpg وفى النهاية مش هاقول التقييم والكلام الكبير ده ولكن اقول لاتبخلو عليا بالردود مواضيع هذا القسم برعاية
الاسكندراانية الاسكندراانية 189478_2.gif سوبر فتكات Fatakat 189478 الاسكندرية – مصر
سبحان الله و بحمده
