السلام عليكم ورحمة الله وبركاته
والله الموضوع ده انا بكتبه لافادتكم فقط لاغير وعن تجربه شخصيه ويارب يجيب مع كل الى تعبان نتيجه سريعه وفعليه زى محصل معايا والحمد لله
اولا بحمد ربنا وبشكر فضله على النعمه الى انا فيها دلوقتى واكيد كل الى بيعانوا من الشرخ الشرجى حسين بالالم الى انا كنت بحسه لحد امبارح وبيتمنوا يحسوا الى انا حساه دلوقتى وان شاء الله يارب يحسوه فى اقرب وقت
ثانيا احب اقول ايه هو الشرخ او الشق الشرجى عشان تبقوا عارفينه او ايه الاحساس الى بتحسوه لما لقدر الله تصابون بيه
انا هتكلم عن تجربتى الشخصيه
طبعا احساس بالم فظيع عند التبرز وقد يصاحبه نزول بعض نقاط الدم لكن الحمد لله ده محصلش معايا كنت بحس بس احساس بالم صعب جدا وبيدوم معايا لفتره طويله بعد الحمام ممكن يفضل طول اليوم بعدها حسه الالم ده وتعبانه جدا ولاعارفه اقعد ولا امشى ولا انام ولا اى حاجه طبعا ده حصلى من بعد ولادتى وانا ولدت قيصرى
ده سببه الامساك الشديد هو الى بيادى لحدوث هذا الشرخ والعياذ بالله
انا هقول الوصفه الى مشيت عليها والحمد لله نتيجه فعليه وسريعه جدا ماشاء الله
انا روحت لدكتور فى الاول وشخص الى وجع الى عندى على انه شرخ شرجى ووصفلى دواء وقالى لو محستش بتحسن هضطر اعمل عمليه
الى انا عملته بقا مشيت على دوا الدكتور وعلى وصفه تانيه جبتها من النت كمان والحمد لله
بالنسبه للاكل
يوميا عدد 2 او 3 برتقاله
عدد 1 او 2 زبادى اويمكن كوب لبن وكوب زبادى
كميه من الخس ويفضل معه اى نوع خضار مثل البقدونس والجرجير
ده هيتوزع على مدار اليوم بالطريقه الى تريحكم
بالنسبه للدواء
يوميا حبوب دافلون 500 – 3 مرات يوميا فى نصف الاكل
ملين اجيولاكس مره يوم بعد يوم يعنى يتاخد مره فى اليوم وتفوت اليوم الى بعده وبعدين يتاخد تالت يوم
الاساس بقا مرهم اسمه نيتروجليسرين بتركيز 2 فى الميه مرتين يوميا قبل الحمام وبعده وللعلم هو بيعمل صداع ودوار اول يوم لانه يستخدم كعلاج للقلب يفضل استخدامه اول يوم قبل النوم ليلا
بعد التبرز يتم الجلوس فى حمام دافىء مع مكيال بيتادين لمدة عشر دقائق ثم يوضع المرهم بعدها ب 5 دقائق
فى مرهم تانى اسمه سوناكتو ده الدكتور كان كاتبهولى وكنت ماشيه عليه قبل مستعمل النيتروجليسرين لكن مريحنيش بس هو كان كويس الى حد ما لو عاوزين تجيبوه برده مفيش مشاكل
مرهم النيتروجليسرين بيتعمل تركيبه فى الصيدليات الكبيره مش جاهز وبنسبة 2 فى الميه
بازن الله تمشوا على الوصفه دى وانشاء الله ربنا يشفيكم فى اسرع وقت وتلاقوا نتيجه سحريه زى محصل معايا
لكن لازم تمشوا على الوصفه كلها الاكل مع الدواء مع الحمام الدافىء
ده اللينك الى انا اخدت منه علاجى ومشيت عليه عشان تتاكدوا ان العلاج مش من عندى بس انا حبيت اقول تجربتى الشخصيه عشان اخليكم تعملوه وانتم واثقين انه هيجيب نتيجه ان شاء الله
https://www.islamweb.net/consult/index.php?page=Details&id=2146454
ربنا يشفى كل مريض يارب
مش عاوزه غير دعوه حلوه بان ربنا يشفى جوزى ويهديهولى ويباركلى فى ابنى ويسعدنى
crazygir532 crazygir532 794154_1.gif فتكات رائعة Fatakat 794154 المنصوره – مصر