ابنى جبيبى وعمرى تم سنه بفضل الله
ويوم عيد ميلاده كان احلى يوم فى حياتى كان موجود فيه اهلى واهل جوزى واصلا احنا قرايب فكلنا كنا عيله واحده
فعملت عزومه متواضعه كده احنا كنا 11 فرد الاكل كلو انا اللى عاملاه بس للاسف الحلويات والتورت مش انا اللى عملاه بس لو كان عندى وقت كنت عمل كل حاجه ده عيد ميلاد ابنى لو مش تعبتله فى يومه هتعب لمين يعنى
المهم بقى بعد مناقشات كتيرة مع الفتوكات القمرت اللى هنا استقريت على المنيو وهو كالاتى
كبسه لحم
محشى ورق عنب
ملوخيه
بطاطس محشيه لحمه مفرومه
كوسه محشيه لحمه مفرومه
بانيه فراخ
جلاش بخلطه البيتزا
شوربه لسان عصفور
سلطه زبادى بالخيار
سلطه كلو سلو
مخلل
فى المشاركه الجايه هنزلكم صور السفرة
[IMG]
[/IMG]
دلوفتى بقى
انا عملت 3 كيلو لحمه كانت 2 موزه و1 كيلو من الريش بس مش ضانى
ارز بسمتى هندى
طماطم- بصل
البهارات بقى
ملح -فلفل-حبهان-ورق لورا-قرفه عيدان-قرنفل-بودره زعفران-بهارات كبسه-ليمون ناشف-كمون
الاول حطيت الطماطم والبصل وقطعين فى حله كبيرة وشوحتهم مع بعض وحطيت عليهم البهارات دى كلها ما عدا اليمون الناشف والملح
الليمون هحطه مع الارز و الملح كمان
وبعد كده ازود اللحمه مياه مغليه واسبها تدخل فى السوا واول ما تدخل فى السوا انشلها من الشوربه وبعد كده احط اللارز طبعا بكون معايره كميه الشوربه على اد الارز وبعد كده لما الارز ينشف الشوربه منه مش اوووى يعنى ادفس اللحمه تانى فى قلب اللحمه
كان عندى مكسرات مشكله بس جيت ادوقها لقيت طعمها مخزز وقولت احسن بلاش احسن تغير طعم الاكل
وبس كده وقدمتها على سيرفيزين كبار
البطاطس والكوسه باللحمه المفرومه
جبت 3 كيلو بطاطس و3 كيلو كوسه وقورتهم وجبت 1كيلو ونص لحمه مفرومه
وعصجت اللحمه عادى بالبصل والملح والفلفل ومعلقه صلصه طماطم بتديها طمعم مزز وحلو قووى وبعد ما بردت اللحمه فرمت حزمه بقدونس على اللحمه وابتديت احشى البطاطس والكوسه
وبعد ما حشيت البطاطس شوحتها فى شويه زيت ذره مجرد انها تصفر بس
وحضرت الصلصه بتاعتها كان عندى شوربه لحمه فقولت كويس جبت الشوربه على مكعبين ماجى ومعلقتين صلصه وظبت المله والفلفل وعلى الفرن عدل وكان طعمهم تحفه
جبت لفتين جلاش اللفه كانت نص كليو تقريبا
وعمات خلطه البتزا بس من غير الصلصه
وهى معروفه طبعا
طماطم وفلفل وجبنه رومى ومزريلا وزيتون وكان عندى بسطرمه فحطيتها برده وبين كل راق جلاش كنت بمسح بفرشه منسمنه بلدى متسيحه على النار وكمان معلقتين لبن على بيض وفى اخر راق حطيبت بقيت اللبن على الوش البن والبيض كان كوبايه لبن و2 بيض لانه كان بيض بلدى وبس وعلى الفرن عدل
محشى ورق العنب
جبت كيلو ورق عنب كان عندى فى الفؤيزر مخزناه طلعته يفك وحضرت الحشوة اللى هى
ارز وخضره شبت وكسبرة وبقدونس وتسبيكه محشى بصل وطماطم متسبكين على النار وملح وفلفل وكمون
وابتديت الف ورق العنب وسقيته بشوربه اللحمه اللى كانت عندى وعصرت عليها ليمونه بيديله مزازة تحفه وسويته وكان تحفه الحمدلله
الفراخ البانيه
جبت كيلو ونص بانيه
وتبلته بميه بصل وملح وفلفل وزبادى وبهارات فراخ من قبل يوم العزومه بيومين
وبعد كده طلعته من الفريزر وجبت دقيق وليبن وبيضتين وبقسماط وعليه علبه اللى هى خلطه سبايسى بالفرايد تشكين بتخليه تحفه
الاول حطيته فى الدقيق وكنت حطه على الدقيق معلقه نشا عشان يقرمش وبعد كده على البيض والبن وبعد كده البقسماط وبعد ما خلصت الكميه حطيته فى الفريزر حوالى نص ساعه وعلى التحمير على طوول وكان جميل وطعم جددددددااااا
سلطه الكلو سلو
جبت كرنب احمر وابيض عادى وجزر وخس كابوتشى
وبشرتهم
والصوص بقى عبارة عن 3 معلاق مايونيز ومعلقه خل و3 معالق عسل او على حسب الرغبه ولبن ويتحطوا على الكرنب ويتحطوا فى الثلاجه اكتر وقت ممكن عشان يبقى طعمها احلى يعنى انا كنت عملاه قبل العزومه بيومين
ببشر خيار وحط عليه الزبادى وعصر عليهم نص ليمونه وبس كده
والخيار المخلل انا برده اللى كنت مخللاه
بحط ميه ووملح بس بصراحه مش فاكرة المعيار اد ايه بس هو الملوحه بتاعت الخيار كانت مظبوطه
وحطيت معاه فلفل اخضر رومى مش حطيت حامى عشان مش بحبه وبعصر عليه ليمونه وبعد ما اعصرها بحط القرة معاهم بيبقى طعمه تحفه
كنت هنسى الملوخيه
جبت الملوخيه كنت مخزناها عندى
وحطيتها فى الشوربه وفرمت الثوم وحطيته فى الزبده وعليه معلقه كزبره ناشفه وصفرتهم فى السمنه وعملت طشه الملوخيه وعلى الملوخيه على طول ويا دوب غلوة واحده وطفيت كانت ريحتها تحفه
بس يا قمرات هو ده كل الاكل االى انا عملته
كنت مرتاحه جدا الحمدلله وعرفت اقعد مع امى واختى هما جم وباتوا معايا قبليها بيوم عشان يساعدونى فى الاكل بس على مين انا كنت مجهزة كل حاجه من قبل ما يجوا بيومين البطاطس قشرتها وقورتها وحطيتها فى ميه وملح وشلتها بميتها فى الثلاجه واللحمه المفرومه كنت معصجاها والجلاش كنت عملاه وشيلاه فى الفريزر وكمان البانيه الفراخ كنت عملاه بالبقسماط وطلعته من الفريزر على التحمير على طووووووول
ومفيش بس غير الكبسه عملتها يوميها عشان مش ينفع طبها كنت اعمل قبل كده
بس وعدت على خير
وانا بشكر كل فتوكه ساعدتنى برائيها وافكرها فى انها تقولى على اصناف العزومه فى الموضوع اللى كنت عاملاه عشان كنت محتاسه خالص خالص
انا متشكرة ليكوا بجد انتو بجد احسن اخوات واصحاب رفعتوا راسى قدام اهلى جوزى واهلى الحمدلله
[IMG]
[/IMG]
ودى تورته عيد ميلا ميدو حبيبى مرضيتش احط صورته عليها عشان كنت هتعب نفسيا وهو بيتقطع بالسكينه
ودى ميدو حبيى وعمرى
وبس كده قولولى رايكم مواضيع هذا القسم برعاية
مصريه طنطاويه مصريه طنطاويه 334792_7.gif فتكات متميزة Fatakat 334792 امبابه – مصر